«Ոնց որ թե չի ստորագրվել ուրիշ փաստաթուղթ». Սա է «թավշյա» իշխանիկների տեղեկացվածության մակարդակը

1975-1976թթ. ռազմական քարտեզներ ու GPS-ի տվյալներ. ինչո՞ւ 1920-ականների քարտեզներով չեն չափագրվում ՀՀ սահմանները

Երևանն ու Բաքուն սահմանների իրավական ամրագրում չեն իրականացնում, և Ադրբեջանի հետ սահմանին սահմանապահները ժամանակավորապես տեղակայվում են 1975-1976թթ. խորհրդային ռազմական քարտեզների հիման վրա, օրերս «Ազատության» հետ զրույցում հայտարարել է փոխվարչապետ Տիգրան Ավինյանը։

Ավինյանը նաև պնդել է, որ անցած տարվա նոյեմբերի 9-ի և այս տարվա հունվարի 11-ի մոսկովյան հայտնի եռակողմ հայտարարություններից բացի, Հայաստանն ու Ադրբեջանը որևէ այլ փաստաթուղթ չեն ստորագրել․ - «Ոչ։ Ադրբեջանի հետ Հայաստանը, բացի այդ երկու փաստաթղթերից, եթե չեմ սխալվում, եթե էս վերջին բանակցությունների ընթացքում փոխվարչապետերի միջև որևէ փաստաթուղթ չի ստորագրվել, հուշագիր․․․ ոնց որ թե չի ստորագրվել, որը կարող էր վերաբերվել կոմունիկացիաներին, նման փաստաթղթի գոյության մասին համենայն դեպս ես տեղեկացված չեմ։ Իսկ Գորիս – Դավիթ Բեկ հատվածի վերաբերյալ պայմանավորվածությունները ռուսական կողմի հետ են, և ռուս սահմանապահները էնտեղ տեղակայված են այդ պայմանավորվածությունների հիմքով»։

Նկատո՞ւմ եք, երկրի փոխվարչապետի խոսքի տոնայնությունը, թե «եթե էս վերջին բանակցությունների ընթացքում փոխվարչապետերի միջև որևէ փաստաթուղթ չի ստորագրվել, հուշագիր․․․ ոնց որ թե չի ստորագրվել»...

Այսինքն, հնարավո՞ր է ստորագրվի, բայց երկրի փոխվարչապետը չիմանա՞:

Եթե մեր երկրում այսպես, բոլոր պաշտոնյաներն այսպես են «տիրապետում» իրենց ոլորտին, ուրեմն պետք չի զարմանալ, թե ինչու է մեր երկրում նման քաոս տիրում՝ բոլոր ոլորտներում:

Այսինքն, Հայաստանն ու Ադրբեջանը դելիմիտացիայի են ենթարկում սահմանները, կա ինչ-որ մի իրավական գործընթաց սահմանները որոշելու, որը հետո պետք է քարտեզին, թե՞ դեմարկացիա են ենթարկում քարտեզը, ինչպե՞ս է կոչվում այն պրոցեսը, որ Հայաստանն ու Ադրբեջանը փորձում են հստակեցնել իրենց սահմանները, հարցնում են Ավինյանին:

Նա պատասխանում է. «Դելիմիտացիան և դեմարկացիան իրավական գործընթացներ են։ Որպես այդպիսին իրավական ամրագրում մեր սահմանների Ադրբեջանի հետ մենք չունենք։ Նման պրոցեսի համար մեզ պետք է առաջին հերթին, կարծում եմ, երկկողմ հարաբերություններ ունենալ, որովհետև այդ պրոցեսները իրավական ենթադրում են նվազագույնը երկկողմ հարաբերությունների հաստատում։ Փաստացի դա, կարելի է ասել, սահմանապահների տեղակայում է՝ որոշակի տրամաբանությամբ, 1975-76 թվերի ռազմական քարտեզների տրամաբանությամբ, որոնք որ ժամանակավոր տեղակայումներ են, մինչև որ կլինի վերջնական դելիմիտացիան և դեմարկացիան»։

Եթե 1975-76 թվերի ռազմական քարտեզների տրամաբանությամբ, որոնք որ ժամանակավոր տեղակայումներ են, ապա ինչու են ադրբեջանական կողմի քմահաճություններով Հայաստանի տարածքներին ի վնաս փաստեր ունենում, օրինակ՝ Սյունիքի մարզում:

Ընդ որում, Ավինյանն ասում է, որ դա հենց դելիմիտացիայի և դեմարկացիայի պրոցես է ենթադրում։ «Դա նվազագույնը մի քանի տարվա խնդիր է, բավականին երկարաժամկետ և աշխատատար պրոցես է։ Մենք մինչ օրս մեր հարևան Վրաստանի հետ էդ պրոցեսը ավարտին չենք հասցրել, բավականին երկար ժամանակ է տևում։ Եվ ընդհանուր առմամբ նմանատիպ պրոցեսով վաղ թե ուշ պետք է անցնենք բոլոր հարևանների հետ։

Այսինքն, այդ թվում Ադրբեջանի և Թուրքիայի՞… Ավինյանը պատասխանում է. «Կախված է երկկողմ հարաբերությունների հաստատման կամ չհաստատման պայմանով։ Հարաբերություններ ունենալը նվազագույն նախապայման է նման իրավական պրոցես սկսելու համար»։

Այսինքն, Ադրբեջանը դեռ կշարունակի պահել մեր ռազմագերիներին, իսկ մենք լծվել ենք դելիմիտացիայի և դեմարկացիայի պրոցեսին:

Մինչդեռ այսօր ՀՀ մարդու իրավունքների պաշտպան Արման Թաթոյանը ներկայացրել է ՀՀ քաղաքացիների, սահմանային բնակիչների իրավունքների ու բնականոն կյանքի երաշխավորման հիմնական գործոնները, որոնց թվում փաստել է, որ ադրբեջանական այսօրվա տեղակայումներն ընթացել են միջազգային, այդ թվում՝ մարդու իրավունքների պահանջների կոպիտ ու զանգվածային խախտումներով.

Մասնավորապես նա հիմնավորել է, որ՝ 1) Սյունիքի կամ Գեղարքունիքի գյուղերի հարևանությամբ, Սյունիքում ճանապարհներին ադրբեջանական տեղակայումները Խորհրդային Հայաստանի կամ Ադրբեջանի սահմաններով` 1970-ական, 1980-ական, 1940-ական թվականների (լինի, օրինակ, 1975-1976 թթ., 1985թ., 1942թ.) կամ այլ քարտեզներով և GPS-ի տվյալներով հիմնավորել չի կարելի:

Այսինքն, «որպես ինքնիշխան պետություններ՝ Հայաստանի և Ադրբեջանի միջև դեմարկացիա կամ դելիմիտացիա երբեք տեղի չի ունեցել և առավել ևս միջազգային որևէ փաստաթուղթ դրա վերաբերյալ չի ստորագրվել»:

Հաջորդը՝ Խորհրդային միությունում տեղի ունեցածը եղել է ոչ թե երկու ինքնիշխան պետությունների՝ Հայաստանի և Ադրբեջանի միջև պետական սահմանների որոշում, այլ մեկ ինքնիշխան պետության՝ ԽՍՀՄ-ի ներսում երկու սուբյեկտների միջև սահմանների վարչական բնույթի բաժանում: Խորհրդային քարտեզները միայն այդ մասին են: «Ի դեպ, ինչու՞ 1920-ական թթ. քարտեզները սահմանների այս օրերի գործընթացի հետ կապված չեն վկայակոչվում», հարցնում է Արման Թաթոյանը:

Բացի այդ, չորրորդ կետում նա նշում է. «ՀՀ պետական սահմանների որոշման գործընթացում Հայաստանի առաջին հանրապետության սահմաններն ու քարտեզներն անտեսվել չեն կարող: Սա պահանջում ՀՀ քաղաքացիների, ՀՀ բնակչության իրավունքների իրական երաշխավորման հրամայականը»:

Հետևաբար, ՀՀ ՄԻՊ-ը շեշտում է. «Ադրբեջանական այսօրվա տեղակայումներն ընթացել են միջազգային, այդ թվում՝ մարդու իրավունքների պահանջների կոպիտ ու զանգվածային խախտումներով, պատերազմի և ուժի իրական սպառնալիքի ներքո և ադրբեջանական բացահայտ ցեղասպան քաղաքականության պայմաններում:

Արման Թաթոյանը ամփոփել է. «Պետական սահմանների որոշման գործընթացը չի կարող խաթարել սահմանային բնակիչների բնականոն կյանքը կամ առաջացնել պետության քաղաքացու իրավունքների և օրինական շահերի, այդ թվում՝ կյանքի ու ֆիզիկական անվտանգության, երեխաների անվտանգ ապրելու, սեփական հողը մշակելու, ջրային պաշարներից, արոտավայրերից ու խոտհարքներից լիարժեք օգտվելու և այլ իրավունքներ»։

Մետաքսյա Շալունց

դիտվել է 3057 անգամ
Լրահոս
Հասան բանկային գաղտնիքին՝ բոլորի փողերը հաշվում են Ռուսները կմտնեն ՀՀ-ում Պենտագոնի փողերով ստեղծված օբյեկտներ Մոսկվան շտապում է. Կրեմլի երևանյան «ճամպրուկը» Ոչ թե պաշտպանության, այլ` փորձանքի նախարար Նախընտրական պրոֆիլակտիկա․տնտեսական մահակ Ծառուկյանի գլխին Նիկոլ Փաշինյանի պատմական խաբեությունը կառավարությունում Արման Թաթոյանն էլ «սատկացրեց» Փաշինյանի խունտային Գլխավոր դատախազ, թե գլխավոր ծաղրածու Նիկոլ Փաշինյանն ինքը աղետն է, որ կա Մերժված առաջարկների հետքերով. ինչ խնդիր է լուծում Տեր-Պետրոսյանը Տարածաշրջանում հաղորդակցությունների բացումը պետք է փոխշահավետ լինի, դրա հետ կապված որոշումներն էլ պետք է կայացվեն կամավոր հիմունքներով․ ռուսաստանցի վերլուծաբանը՝ Լավրովի Երևան այցի մասին Սաակաշվիլիի կուսակցության ղեկավար Նիկա Մելիայի դեմ սահմանված գրավը՝ նրան ազատ արձակելու համար ԵՄ-ն վճարել է Ադրբեջանի ՊՆ-ն` Արցախյան պատերազմում մահացած զինծառայողների թվի մասին ԵՄ-ի կոչը ԱՄՆ-ին և մյուս երկրներին․ արտահանել իրենց արտադրած պատվաստանյութերը Ադրբեջանը ևս վեց զորամաս կբացի Հայաստանի հետ սահմանին Տեղեկությունները, թե ԱԺ բոլոր պատգամավորները պատվաստվել են, կեղծ է Հաղորդում «նախընտրական» հանցագործության մասին Ավտովթար Արագածոտնի մարզում. ՀՀ ՊՆ N բանակային կորպուսի զինծառայողը ՎԱԶ-21102-ով բախվել է քարերին Տիեզերական անարդարություն ա, որ էս ամենի մեղավորը դեռ ողջ ա, հոխորտում ա ու Արցախյան հաղթանակը մեզ նվիրածների վրա դեռ մատ ա թափ տալիս Ոստիկանության առջեւ խնդիր չի դրված պաշտպանել հասարակական կարգը, այն պարգեւավճարներ է ստանում Նիկոլի մարմինը եւ իշխանությունը պաշտպանելու համար Ասում ա սեփական մոդել ա, չէ մի չէ, հեսա տնտեսության կառավարման նոր մոդելի համար մի հատ էլ Նոբելյան մրցանակ կպահանջեք 18 անձ մեղադրվում է խուլիգանության համար. ՔԿ Բա Արծրուն ջան, եթե քեզ իրոք միայն փոքրամասնությունն է մեղադրում, վերադարձի Հայաստան «Կամքը» ազգային ուժերի առաջնորդներին առաջարկ ունի Մայիսի 10-ից կվերսկսվի Երևանի քաղաքապետարանի ենթակայությամբ գործող մանկապարտեզներում երեխաների ընդունելությունը
Ամենաընթերցվածները
Շուտով
Մայիսի 8-ին, ժամը 13:00-ին Հայելի ակումբի հյուրն է նախկին վարչապետ Խոսրով Հարությունյանը: Թեմա՝ մայիսի 9-ին ՀՀ երկրորդ նախագահ Ռ. Քոչարյանի սպասվելիք ելույթը,Լևոն Տեր-Պետրոսյանի հայտարարությունները, սպասվող ընտրությունները, մայիսյան եռատոն Մայիսի 8-ին, ժամը 12:00-ին Հայելի ակումբի հյուրն է ռազմագետ, ազատամարտիկ Գեւորգ Գեւորգյանը: Թեմա՝ մայիսի 9-ին ՀՀ երկրորդ նախագահ Ռ. Քոչարյանի սպասվելիք ելույթը,Լևոն Տեր-Պետրոսյանի հայտարարությունները, սպասվող ընտրությունները, մայիսյան եռատոն Մայիսի 8-ին, ժամը 11:00-ին Հայելի ակումբի հյուրն է պահեստազորի սպա Թաթուլ Պետրոսյանը: Թեմա՝ պահեստազորի սպաները միանում են ընդդիմությանը: նախաձեռնում են օր առաջ հեռացնել ազգադավ իշխանությանը Մայիսի 7-ին, ժամը 12:30-ին Հայելի ակումբի հյուրն է ՀՅԴ անդամ Բագրատ Եսայանը: Թեմա՝ արձագանք Նիկոլ Փաշինյանի ջղաձգումներին, սպասվող արտահերթ ընտրություններ, ներքաղաքական զարգացումներ, հայ գերիների վերադարձ, խոշտանգումներ Մայիսի 7-ին, ժամը 13:30-ին Հայելի ակումբի հյուրն է բանաստեղծ Ռազմիկ Դավոյանը: Թեմա՝ արձագանք Նիկոլ Փաշինյանի ջղաձգումներին, սպասվող արտահերթ ընտրություններ, ներքաղաքական զարգացումներ, հայ գերիների վերադարձ, խոշտանգումներ Մայիսի 7-ին, ժամը 16:00-ին Հայելի ակումբի հյուրն էնախկին վարչապետ Խոսրով Հարությունյանը: Թեմա՝ արձագանք Նիկոլ Փաշինյանի ջղաձգումներին, սպասվող արտահերթ ընտրություններ, ներքաղաքական զարգացումներ, հայ գերիների վերադարձ, խոշտանգումներ Մայիսի 7-ին, ժամը 12:00-ին Հայելի ակումբի հյուրն է հոգեբան Կարինե Նալչաջյանըը: Թեմա՝ արձագանք Նիկոլ Փաշինյանի ջղաձգումներին, սպասվող արտահերթ ընտրություններ, ներքաղաքական զարգացումներ, հայ գերիների վերադարձ, խոշտանգումներ Մայիսի 7-ին, ժամը 15:00-ին Հայելի ակումբի հյուրն է «Ազգային անվտանգություն» կուսակցության նախագահ Գառնիկ Իսագուլյանը: Թեմա՝ արձագանք Նիկոլ Փաշինյանի ԱԺ_ում հնչեցրած հայտարարություններին, սպասվող արտահերթ ընտրություններ, ներքաղաքական զարգացումներ, հայ գերիների վերադարձ, խոշտանգումներ,Ս. Լավրովի այցը Հայաստան Մայիսի 7-ին, ժամը 14:00-ին Հայելի ակումբի հյուրն է ԱԺ անկախ պատգամավոր Գևորգ Պետրոսյանըը: Թեմա՝ արձագանք Նիկոլ Փաշինյանի ԱԺ_ում հնչեցրած հայտարարություններին, արտահերթ ընտրություններ. Լևոն Տեր-Պետրոսյանի առաջարկը , ներքաղաքական իրավիճակ Մայիսի 7-ին՝ ժամը 12:00-ին, «Հենարան» մամուլի ակումբում կհյուրընկալվեն Մարկ թրեյդինգ ՍՊԸ հիմնադիր֊տնօրեն Արտաշես Ակուլյանը և իրանցի գործարար Աբդոլռեզա Աբբասին: ԹԵՄԱ՝ ՊԵԿ-ը խնդիրներն են ստեղծում Իրանի իսլամական հանրապետությունից ապրանքների ներկրման համար:
Հետևեք մեզ Facebook-ում https://www.facebook.com/hayeliclub