Բանկը խոշոր չափի խարդախություն է արել

SHAMSHYAN.com-ի տեղեկություններով՝ Ոստիկանության Մալաթիայի բաժնի հետաքննչական բաժանմունքում նյութեր են նախապատրաստվում Շիրակի մարզի բնակիչ 27-ամյա Ռիմա Սահակյանի դիմումի փաստով։ Ինչպես հայտնում է ֆոտոլրագրող Գագիկ Շամշյանը, վերջինը դիմել է Ոստիկանություն և հայտնել, որ այս տարվա օգոստոսին «Գոլդ կրեդիտ» վարկային կազմակերպության աշխատակիցները «ՎՏԲ-Հայաստան» բանկի «Շահումյան» մասնաճյուղում իր անունով, նշված կազմակերպությանը պատկանող 1 միլիոն 700 հազար դրամին համարժեք ոսկու գրավադրմամբ, ձևակերպել են 2 միլիոն 300 հազար դրամի վարկ։ Դիմումատուն հայտնել է, որ այդ գումարից իրեն տվել են 230 հազար դրամ, մնացած գումարին խարդախությամբ տիրացել են։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: