Նեթանյահուն չեղարկել է իր այցն ԱՄՆ
Իսրայելի վարչապետ Բենիամին Նեթանյահուն հաջորդ շաբաթ չի մեկնի Միացյալ Նահանգներ։ «Արմենպրես»-ի փոխանցմամբ՝ այս մասին հաղորդում է Reuters-ը՝ վկայակոչելով Նեթանյահուի գրասենյակի հայտարարությունը։
Նշվում է, որ Նեթանյահուն պլանավորել էր մասնակցել ամերիկացի սենատոր Լինդսի Գրեմի հուղարկավորությանը, որը հետաձգվել է մինչև ամսվա վերջ։
Գրեմը հայտնի էր որպես Իսրայելի կողմնակից և Իրանի հակառակորդ։
Հուլիսի 15-ին իսրայելցի պաշտոնյան, որի անունը չի նշվում, հայտնել էր, որ ԱՄՆ-ում գտնվելու ընթացքում Նեթանյահուն ցանկանում է հանդիպել Թրամփի հետ, սակայն հստակ չէ, թե արդյոք հանդիպումը կկայանա։
Իսրայելը դեմ էր ԱՄՆ-ի և Իրանի միջև հունիսին կնքված փոխըմբռնման հուշագրին, որն արդեն խախտվել է կողմերի միջև ռազմական գործողությունների վերսկսման պատճառով։
Իրանը հայտարարել էր, որ Իսրայելը պետք է դադարեցնի կրակը Լիբանանում՝ որպես համաձայնագրի մաս։ Իսրայելի և Լիբանանի միջև ԱՄՆ-ի միջնորդությամբ բանակցությունների վերջին փուլը տեղի է ունեցել հուլիսի 16-ին Հռոմում։
Նեթանյահուն և Թրամփը բազմիցս տարաձայնություններ են ունեցել՝ Իսրայելի կողմից Լիբանանում «Հեզբոլլահ»-ի վրա հարձակումները թուլացնելուց հրաժարվելու պատճառով։
Հետևեք մեզ Viber-ում
