Արտակարգ. մահացած են գտել դատախազի նախկին տեղակալ Կոլինկոյին եւ նրա դստերը
Կիևում մահացած են գտել Ուկրաինայի գլխավոր դատախազի նախկին տեղակալ Օլգա Կոլինկոյին և նրա դստերը՝ Յարոսլավային։ Այդ մասին հայտնում է ուկրաինական Zerkalo Nedeli հրատարակությունը՝ հղում անելով իրավապահ մարմինների աղբյուրներին։
Օլգա Կոլինկոյին մահացած են գտել հունվարի 10-ին, երբ ԲՇԳ աշխատակիցները ոստիկանության ներկայությամբ կոտրել են բնակարանի դուռը։ Նրանց կանչել էին հարեւանները, քանի որ նախորդ օրը նրանց բնակարանից ջուր է արտահոսել, իսկ տերերը դուռը չեն բացել։
71-ամյա Օլգա Կոլինկոն արդեն երկար տարիներ ծանր հիվանդ էր եւ փողոց դուրս չէր գալիս։ Նրան խնամում էր դուստրը, որին մահացած են գտել հարեւան բնակարանում։
Օլգա Կոլինկոն (ծնված 1952 թվականին) 1993-2000 թվականներին և 2003-2005 թվականներին աշխատել է գլխավոր դատախազի տեղակալի պաշտոնում։ 2001-2003 թվականներին նա ղեկավարել է կազմակերպված հանցավորության և կոռուպցիայի դեմ պայքարի կոմիտեն: Նա հայտնի է իր մասնակցությամբ այն ժամանակվա աղմկահարույց կոռուպցիոն գործերի հետաքննությանը։