Կոռուպցիոն կապեր Տավուշի մարզպետարանում
Կոռուպցիոն կապեր Տավուշի մարզպետարանում
Տավուշի մարզի հանրակրթական դպրոցների ուսուցիչները լրագրողիս բողոքել են, որ իրենք ամեն ամիս իրենց աշխատավարձի մեկ տոկոսը փոխանցում են արհմիության հաշվեհամարին, այդ հաշվեհամարին բազում միլիոնների դրամներ կան, սակայն կրթության և գիտության աշխատողների արհմիությունը տարվա մեջ երկու անգամ՝ մարտի 8-ի և հոկտեմբերի 5-ի՝ուսուցչի օրվա առթիվ որոշակի գումարներ է փոխանցում հանրակրթական դպրոցներին, մնացած գումարները մնում և տնօրինվում են արհմիության կողմից։ Ուսուցիչները արհմիության գործունեության մեջ կոռուպցիոն մեծ ռիսկեր են տեսնում։ Նրանք ասացին,որ արհմիություևը, որպես ճյուղային անկախ մարմին, պետք է պաշտպաներ ուսուցիչների իրավունքները, սակայն երբևէ չի զբաղվել ուսուցիչների իրավունքների, ՛շահերի պաշտպանությամբ, այն գործում է որպես իշխանության կցորդ։ Ուսուցիչներն ասացին, որ Իջևանի տարածաշրջանի կրթության և գիտության աշխատողների արհեստակցական կազմակերպություննների տարածքային միության նախագահ Զինա Ստեփանյանի աշխատավայրը Տավուշի մարզպետարանի շենքն է, Զ․ Ստեփանյանի որդին Տավուշի մարզպետարանի կրթության մշակույթի, սպորտի վարչության պետ Մերուժան Հարությունյանն է։ Տավուշի մարզպետ Հայկ Ղալումյանին տեղեկատվական հարցում եմ ուղարկել, հարցնելով, թե իրավական ի՞նչ հիմքերով է Զինա Ստեփանյանը Տավուշի մարզպետարանում սենյակ զբաղեցնում, արդյոք նրա և իր որդու՝ Տավուշի մարզպետարանի կրթության, մշակույթի և սպորտի վարչություն պետ Մերուժան Հարությունյանի միջև պաշտոնական հարաբերություններում շահերի բախում, կոռուպցիոն ռիսկեր չկա՞ն։ Մարզպետարանից ստացված պատասխանում նշված է․«Իջևանի տարածաշրջանի կրթության և գիտության աշխատողների արհեստակցական կազմակերպությունների տարածքային միության նախագահ Զինա Ստեփանյանն առանձին աշխատասենյակ չի զբաղեցնում: Նրա և ՀՀ Տավուշի մարզպետի աշխատակազմի կրթության, մշակույթի և սպորտի վարչության պետի միջև պաշտոնական հարաբերություններում շահերի բախում և կոռուպցիոն ռիսկեր չկան»: Տավուշի մարզպետը չի ժխտել, որ Զինա Ստեփանյանի աշխատավայր-նստավայրը Տավուշի մարզպետարանի շենքում է, նշելով միայն, որ նա առանձին աշխատասենյակ չի զբաղեցում, այդպես էլ չպարզաբանելով,թե Զինա Ստեփանյանը մարզպետարանի շենքում անվճա՞ր, թե՞ վարձակալությամբ է գտնվում ; Մոր և որդու՝ կրթության և գիտության աշխատողների արհմիության ղեկավարի և մարզպետարանի կրթության վարչության պետի պաշտոնական հարաբերություններում կոռուպցիոն ռիսկերի ու շահերի բախման մասին մարզպետարանի ժխտումն էլ այնքան հիմնազուրկ է, որ այն մեկնաբանության կարիք չունի։
Գրել է Ոսկան Սարգսյանը
Հետևեք մեզ Viber-ում
