Աշխարհի կինեմատոգրաֆիական կենտրոնները գիտեն՝ ՀՀ-ում կինեմատոգրաֆիստներ են մահանում․ Հովհաննես Գալստյան

Տպավորությունները Sofia Meetings-ից այնքան շատ են, որ ցանկություն չունեմ կիսվելու դրանցով։ Սոֆիան կանաչ լույս վառեց մեր ֆիլմերի համար, արդյունքները իրենք իրենց մասին կխոսեն շուտով։ Բայց մի երկու հարց ՀՀ կրթության, գիտության, մշակույթի և սպորտի նախարարություն նախարարին կտամ։
․
1.) 6 տարի (2018-23) իմ ընկերությունը զրկված է ՀՀ-ում կինոյին տրվող պետական ֆինանսավորումից, 4 տարի (2020-23) ընդհանրապես որևէ ֆինանսավորումից։ Բայց ես միակ ռեժիսորն եմ, ում ֆիլմերը վերջին 3 տարում 5-րդ անգամ հրավիրում են միջազգային կինոշուկաների՝ Կանն, Սարաևո, Գոլվեյ, Կրակով հիմա ՝ Սոֆիա։
Sofia Grand Hotel-ում պրոդյուսեր Անի Գալստյանն ու ես 22 հանդիպում ենք ունեցել Եվրոպական ամենաազդեցիկ փառատոների սելեկցիոներների ու ֆիլմերի վաճառքի գործակալների հետ՝
ԲԵՔՍԹԵՅՋ | The Backstage, ԳՈՍԲԱՆԿ | Gosbank,
ՏԱՏԻԿԻՍ ՎԱՐՍԵՐԸ | My Grandma’s Looks
ֆիլմերի ֆինանսավորման ու տարածման հարցերով։
ՀԱՐՑ 1) ՀՀ Կգմս նախրարարին՝ չստանալով 1 լումա պետությունից, մենք 5-րդ շուկային ենք մասնակցում, արդյունքները դնեմ դիմացներդ՝ կապշեք։ Ունե՞ք Ձեր կողմից ֆինանսավորած գոնե մեկ խաղարկային ֆիլմի ռեժիսորից գոնե մեկ հաշվետվություն՝ շուկայում գրանցած արդյունքների մասին, բերեք հրապարակենք։
․
2.) Ադրբեջանը կինոյի պետական ֆինանսավորումը հասցրել է 6 միլիոն եվրոյի, 10 անգամ ավել, քան Հայաստանը։ Վստահ եմ, այդ երկրի մեծ կինոն էս տարի ևս մրցանակ է վերցնելու Ա դասի փառատոներում, փառաբանելով իր մշակույթը։ Թուրքիան 2 մրցանակ վերցրեց Սոֆիայում՝ Լավագույն Բալկանյան ֆիլմի համար ու Ժյուրիի հատուկ մրցանակը։
ՀԱՐՑ 2) ՀՀ կգմս նախարարին․ հասկանու՞մ եք, որ սա պարզ թվաբանություն չէ, ոչ էլ նեղ մշակութային մրցակցություն, սա մեծ քաղաքականություն է, որում դուք պարտվել եք։
․
3.) Հիմա՝ ամենակարևորը, աշխարհի կինեմատոգրաֆիական կենտրոնները քաջ ծանոթ են ՀՀ-ում տիրող իրավիճակին, տեղեկացված են կինոյի թայֆայական կառավարման մոդելի մասին, գիտեն, որ Հայաստանում կինեմատոգրաֆիստներ են մահանում, որոնց հետապնդել են կարծիքի ազատ արտահայտման համար, ֆիլմեր են փակվում, որոնց հեղինակները չեն աջակցել իշխանություններին, «հովանու տակ» գտնվողները աջակցություն են ստանում հարկատուի հաշվին nonstop ռեժիմով։ Այն, ինչ Հայաստանում արել են մեր ֆիլմերի դեմ, գիտեն բոլորը։ Աշխարհը չափազանց փոքր է կեղտը մի երկրի մեջ պահելու համար։ Սա է պատճառը, որ պատասխանատուները ամենուր՝ Կաննից մինչև Մար դել Պլատա, քայլում ու քայլելու են գլխահակ։
ՀԱՐՑ 3) ՀՀ կգմս նախրարաին․ 6 տարի Ձեր ղեկավարած կառույցի ենթակայությամբ գործող ՊՈԱԿ-ում տնօրենի ընտրության մրցույթ չի անցկացվում, ՊՈԱԿ-ը «ղեկավարվում է» ժպ-ի կողմից։ Գիտե՞ք, որ սա հակասում է ՊՈԱԿ-ների կառավարման ՀՀ օրենքին։ Եթե չգիտեք՝ ինչու՞, եթե գիտեք՝ ո՞նց եք հանդուրժում։
․
Հգ․ Դուք մեր ֆիլմերը փակելով սկսեցիք ձեր քաղաքական կենսագրությունը ու մեր ֆիլմերի հաղթանակները կթաղեն ձեր անփառունակ կարիերան։