Մարդիկ ճնշման տակ են այդ ամենը ասել․ Մախսուդյանը՝ զինվորականների մասին ՔԿ տարածած տեսանյութի մասին

Մարդիկ ճնշման տակ են այդ ամենը ասել։ Այս մասին Կիրանցում լրագրողների հետ զրույցում ասել է պահեստազորի գնդապետ Միհրան Մախսուդյանը՝ անդրադառնալով երեկ Կիրանցում քաղաքացիներին մոտեցած զինվորականների «զղջման» մասին ՔԿ տարածած տեսանյութին։

«Պայմանգրային զինծառայողները, տեսնելով, որ իրենց ժողովրդի նկատմամբ բռնի ուժ են կիրառում ոստիկանության զորքերը, այդ տղաները լինելով այս մարզից, այս գյուղերից, եկել են իրենց աջակցությունը հայտնելու, տեսնելու՝ ինչ է կատարվում այստեղ։ Իրենց ծնողներին, իրենց քույրերին, իրենց երեխաներին․․․ ո՞վ է ճնշում գործադրում իրենց նկատմամբ։ Բոլորս էլ ականատես եղանք՝ քանի երեխա վատացավ, քանի կին վատացավ, քաշ տվեցին, բռնի ուժ կիրառեցին այդ ժողովրդի դեմ, սեփական ժողովրդի դեմ, ովքեր իրենց հողն են պաշտպանում, իրենց հողի համար պայքարում են, որ թուրքը չմտնի իրենց հողը։ Պայմանագրային զինծառայողներն էլ ընդամենը եկան աջակվցություն հայտնելու, աջակցեցին, տեսան իրենց ժողովրդին։ Ես՝ ինքս, որպես նախկին զինվորական, հորդորեցի՝ տղե՛րք ջան, ձեր տեղը սահմանն է, գնացեք ձեր սահման։ Մարդիկ չէին եկել՝ միանալու, ընդամենն աջակցել են ու գնացել ծառայությունը շարունակելու», - նշեց Մախսուդյանը՝ հավելելով, որ այսօր ՔԿ-ն նյութեր է հրապարակում, թե ինչպես են մարդիկ ասում՝ մենք զղջացել ենք և այլն, մինչդեռ բոլորս էլ հասկանում ենք, որ մարդկանց վրա ճնշում են գործադրել․ «Մարդիկ ճնշման տակ են այդ ամենը ասել»։

Աղբյուր` Փաստինֆո