Գերիներին «խժռում» են. Փաշինյանի մնալը՝ Հայաստանի ու Արցախի կործանում

Լիոնի փոխքաղաքապետ Ժորժ Քեփենեկյանը հայաստանյան լրատվական կայքերից մեկին տված հարցազրույցում ուշագրավ միտք է արտահայտել, թե՝ Մակրոնը Բայդենի հետ համաձայնել են, որ և Ցեղասպանության հարցը, և Արցախի ու Հայաստանի ապագան նոր լույսով ներկայացնեն:

«Գոնե այսօր Մակրոնը մենակ չէ, իրենք Բայդենի հետ համաձայնել են, որ և Ցեղասպանության հարցը, և Ղարաբաղի ու Հայաստանի ապագան նոր լույսով ներկայացնեն: Այդ առումով կարևոր ժամանակներ են: Հիմա մնում է դա դարձնել ֆրանսիական պետության որոշում: Գիտեք, որ Ֆրանսիայի Սենատի նախագահի գլխավորած պատվիրակությունն այս օրերին այցելել էր Հայաստան: Նկատենք, որ խոսելը մի բան է, անելը այլ բան, այսինքն աշխատանքները պետք է շարունակվեն: Հայաստանն այս առումով մեզ շատ չի օգնում, որովհետև կառավարությունը մի քիչ տկարացած է, ընտրություններ պետք է լինեն: Կարծում եմ, որ գոնե մինչև ամառ դժվար է առաջ շարժվելը, բայց պետք է պատրաստվենք: Նոր էջ է բացվում մեզ համար, թե Հայաստանի համար, թե Սփյուռքի», ասել է նա: Իսկ Արցախի անկախության ճանաչման ինչպիսի շանսեր կան Ֆրանսիայում հարցին, նա պատասխանել է. «Այսօր ավելի մեծ են շանսերը, քան երեք ամիս առաջ: Ես այդպես եմ զգում, բայց դեռ շատ աշխատանք կա անելու: Բավական շատ ղեկավարների, պատգամավորների, սենատորների մտքում այդ գաղափարը կա: Նման մարդկանց թիվը բավական աճել է, հետևաբար ավելի մեծ շանս կա այսօր, քան երեք ամիս առաջ»:

Հայաստանի իշխանությունների պատճառով Հայաստանն ու Արցախը տկար ներկայացնելը՝ իսկապես իրական խնդիր է: Պատերազմի ավարտից հետո ամիսներ շարունակ մենք Հայաստանում ասվում է, որ փաշինյանական իշխանության պայմաններում՝ Հայաստանն ու Արցախն ավելի ու ավելի խոցելի են դառնում:
Ռուսական փորձագիտական շրջանակներն արդեն իսկ սկսել են հստակ խոսել այդ թեմայով, նրանք արձանագրում են, որ Նիկոլ Փաշինյանի ղեկավարած իշխող ուժի վերընտրությունները առաջիկա ընտրություններում կնշանակի Հայաստանի վարկանիշի անկում, Հայաստանին չեն հարգի՝ պատերազմում պարտված առաջնորդ վերընտրելու դեպքում:

Ինչ վերաբերում է Արցախին, ապա Փաշինյանի թիմը այնպես է իրեն պահում, կարծես բոլոր հիմնական խնդիրները ռուսական կողմի լուծմանն են սպասում: Խոշոր հաշվով, Հայաստան-Արցախ իշխանությունների համատեղ քննարկումներ տեղի ունենում, հումանիտար խնդիրների լուծման անհրաժեշտությունն է կարևորվում, բայց գլոբալ առումով՝ Արցախը կանգնած է մեծ մարտահրավերի առջև:

Առաջին մեծ վտանգը դա արցախցիների՝ հայրենիքը լքելու հարցն է: Ի՞նչ են անում Հայաստանի ու Արցախի իշխանությունները, որ արցախցիները ոչ միայն մնան իրենց հողում, այլև արարեն և նոր հոսք լինի՝ դեպի Արցախ:

Սա իսկապես լրջագույն հարց է՝ եթե արցախցիները բռնեն արտագաղթելու ուղին՝ ռուս խաղաղապահները ո՞ւմ անվտանգությունն են պահպանելու Արցախում: Սա խնդրի, այսպես ասած՝ ժողովրդագրական մասն է:
Հաջորդ խնդիրը՝ քաղաքական է:

Պատերազմից հետո Արցախի կարգավիճակի որոշման հարցում հստակ մեսիջներ են ստացվում Արևմուտքից: Հայաստանի իշխանությունները պետք է հստակ աշխատեն գործընկեր պետությունների հետ:

Բայց ովքե՞ր են Փաշինյանի գործընկերները, նա վստահելի առաջնո՞րդ է Հայաստանի բարեկամ պետությունների ղեկավարների համար, կարո՞ղ է լրջագույն պատասխանատվություն վերցնել իր վրա, և առհասարակ, ունի՞ նա նպատակ Արցախի հարցում որոշումներ կայացնել՝ կապիտուլյացիոն փաստաթուղթ ստորագրելուց հետո:
Հասկանալու համար, որ այս իշխանությունները ունակ չեն որևէ խնդիր լուծել, պետք է հարց տանք մեզ՝ ինչպե՞ս է այս իշխանությունը հիմա լուծում Ադրբեջանում պահվող գերիների վերադարձի հարցը...

Երեկ VICE World News լրատվականը հայ ռազմագերիների մասին սարսափելի մանրամասներ է պատմել, որոնցից հայտնի է դառնում, թե ինչ սոսկալի կտտանքների են ենթարկվել հայ ռազմագերիները Բաքվի բանտում։ «Վազգենը ծանր վիրավոր է եղել. 7 օր անշարժ պառկած գոյատևել է մոտակա ծառից թափված խնձորներով։ Ադրբեջանցի վարձկանները նրան արյունոտված բերել են ռազմական օբյեկտ: Հաջորդ մի քանի ժամվա ընթացքում նրան տեղափոխել են ստորաբաժանումից մյուսը և դաժանորեն ծեծել։

Ադրբեջանցի զինվորները ձեռքերը մտցրեցին ստամոքսիս վերքի մեջ: Նրանք կծու պղպեղ փչեցին աչքերիս մեջ և վառեցին ձեռքերս, հետո փայտերով ծեծեցին ինձ: Պարբերաբար ինձ հանձնում էին զինվորների նոր խմբի, ովքեր ինձ ծեծում և խոշտանգում էին», - պատմել է թշնամու գերությունից ազատված Վազգենը։

Պարզ է չէ՞, որ նմանատիպ իրավիճակներում են մեր՝ 200-ից ավելի գերիները: Ու հիմա հարց՝ սա ադեկվատ իշխանություն է, որ իրեն պահում է, կարծես, ոչինչ տեղի չի ունեցել, ու երբեմն-երբեմն հանդես է գալիս Ադրբեջանի հետ հարևանություն անելու մասին դատողություններով:

Մետաքսյա Շալունց

դիտվել է 3280 անգամ
Լրահոս
Վաղը, ժամը 9:00-ից պողպատե մանդատը գործի կդնենք. Սուրեն Պապիկյան Թուրք-ադրբեջանական ցնծություն. Թուրքական երջանկության մեխանիկան՝ Նիկոլի հաղթանակի համար Թուրքական ռազմաբազան ՀՀ սահմանի մոտ ու Լավրովի «շշուկները». Շուշիի հռչակագրի առաջին «ծաղիկը» Արդյոք ներկա իշխանությունը շահագռգռվա՞ծ է փոխել կրթական համակարգը, եթե իր հենքը միջին և միջին-տեխ կրթությամբ մարդիկ են. Էլիբեգովա Ռուս դիրքապահները կտեղակայվեն Գեղարքունիքում․ և՛ թշնամին է զորքը հետ քաշելու, և՛ մենք. մարզպետ «Ախր նախիրն ու հոտը ինչի՞ պիտի իրավունք ունենան երկրի ճակատագիրը որոշելու…». Դավիթ Ամալյան Նիկոլը էն գոմիկների բազառից հետո մուռ ա պահել Շուռնուխի վրա Նրանք, ովքեր հայրենիքի համար են պայքարում, շարունակենք մեր պայքարը։ Հայրենիքի գինը քվեն չի, հայրենիքի գինը կյանքն ա Շնորհավոր կապիտուլյանտ, մեր ցեղախումբը արժանի է հենց քեզ Ինչ են գողացել ադրբեջանցիները. մանրամասներ Գարունը գալու է Հայաստան, եթե պետք է նույնիսկ մի ծաղկով կբերենք Եւ այդ մեկ հաջորդ պլյուս-մինուսը հենց դու ես Դաժան բան եմ ասում, բայց միշտ հիշեք... Գոռ Սեդրակյանին մեղադրանք է առաջադրվել. Փաստաբան Հայտնաբերվել է ևս 3 աճյուն Սա սխալը գիտակցած մարդու գրառում է և սեփական ժողովրդից ՆԵՐՈՂՈՒԹՅՈՒՆ խնդրել ես ՊԱՐՏԱՎՈՐ եմ Եթե ձեր մտահոգությունն ազնիվ է, ապա ԵԽԽՎ-ն պիտի կոնկրետ պատժամիջոցներ կիրառի Ադրբեջանի հանդեպ․ Ն.Զոհրաբյանը՝ ԵԽ-ում Ստեփանակերտում լարված իրավիճակ է « Արայիկ Հարությունյանը պետք է հեռանա». բողոքի ակցիա Ստեփանակերտում Երբ իշխանության համար պայքարը մատուցվում է «Հայրենիքի փրկության» շղարշի ներքո, ներկայացվում տարբեր սցենարներով.Ղարամյան Ընտրակաշառք տալու և ստանալու դեպքեր Արարատի մարզում. երկու քրգործով որպես կասկածյալ է ներգրավվել 9 անձ «Հայհոյել է ու սպառնացել, որը զուգորդվել է բացառիկ ցինիզմով». «Մանախին» մեղադրանք է առաջադրվել Գեղարքունիքում ավտովթարի հետեւանքով երեխա է մահացել «Վաղը, երբ 10 մետրից թուրք տեսնեք, հանեք 3 համարի թուղթ ցույց տվեք` օգնում է». Մհեր Մկրտչյան Ինչ որոշում ունի «Հայաստան» դաշինքը
Ամենաընթերցվածները
Շուտով
Հունիսի 22-ին, ժամը 16:00-ին Հայելի ակումբի հյուրն է Politik.am-ի գլխավոր խմբագիր Բորիս Մուրազին: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 12:00-ին Հայելի ակումբի հյուրն է փորձագետ Հայկազունի Ալվրցյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 14:00-ին Հայելի ակումբի հյուրն ՍԴ աշխատակազմի նախկին ղեկավար Էդգար Ղազարյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 13:00-ին Հայելի ակումբի հյուրն է Երկիր ծիրանի կուսակցության առաջնորդ Զարուհի Փոստանջյանը: Թեմա՝ Արտահերթ խորհրդարանական ընտրություններ, ամփոփում Հունիսի 22-ին, ժամը 15:00-ին Հայելի ակումբի հյուրն է պրոդյուսեր Արմեն Գրիգորյանը: Թեմա՝ Արտահերթ խորհրդարանական ընտրություններ, ամփոփում Հունիսի 18-ին, ժամը 11:00-ին Հայելի ակումբի հյուրերն են ազատամարտիկ Գառնիկ Առաքելյանը և նախկին պատգամավոր Արագած Ախոյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 12:30-ին Հայելի ակումբի հյուրն է քաղաքագետ, վերլուծաբան Մանուկ Սուքիասյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 14:00-ին Հայելի ակումբի հյուրն է պրոդյուսեր Արմեն Գրիգորյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 14:00-ին Հայելի ակումբի հյուրերն են պատգամավոր Գևորգ Պետրոսյանը և «Paracelsus» ՀԿ հիմնադիր և ղեկավար, բժիշկ Նունե Ներսիսյանը։ Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում Հունիսի 18-ին, ժամը 15:00-ին Հայելի ակումբի հյուրն է «Ազգային անվտանգություն» կուսակցության նախագահ Գառնիկ Իսագուլյանը: Թեմա՝ Արտահերթ խորհրդարանական ընտրություններ, նախընտրական քարոզարշավի վերջին օր, ամփոփում
Հետևեք մեզ Facebook-ում https://www.facebook.com/hayeliclub