Բախվել են «Եվրոթերմ» ՓԲԸ-ի 71-ամյա տնօրենի Cadillac-ն ու 36-ամյա վարորդի BMW-ն, կան վիրավորներ

11:14 - 7/հունիսի/2020

Դիտել նաև Արտակարգ. Հրազդանից մինչև Չարենցավան տասնյակ ավտոմեքենաներ են վթարի ենթարկվել․ պատգամավոր (տեսանյութ) Սարի թաղում «ՌԱՖ»-ը վրաերթի է ենթարկել հետիոտնին ու կողաշրջվել. վարորդը եւս տուժել է Ավտոտնակում հայտնաբերվել է ԱԱԾ Արմավիրի մարզի Էջմիածնի բաժնի ծառայողի դին Երեւան Մեղրի ճանապարհին բեռնատարը ընդունել է մկրատաձև դիրք եւ երկկողմանի փակել ճանապարհը

Երեկ՝ հունիսի 5-ին, ավտովթար է տեղի ունեցել Արմավիրի մարզում: Ժամը 14:30-ի սահմաններում, Նորապատ-Սարդարապատ ավտոճանապարհի 1-ին կմ հատվածում բախվել են Երևանի բնակիչ, 71-ամյա Էդիկ Ղազարյանի վարած Cadillac Escalade մակնիշի 900 ՍԼ 01 համարանիշի և Արմավիրի մարզի բնակիչ, 36-ամյա Սևակ Թամոյանի վարած BMW-320 մակնիշի 35 CQ 582 համարանիշի ավտոմեքենաները:

Ինչպես հայտնում է ֆոտոլրագրող Գագիկ Շամշյանը, վթարի հետևանքով BMW-ի ուղևորներ, Արմավիր մարզի բնակիչներ, 64-ամյա Ա. Հ-ն ու 26-ամյա Մ.Վ.-ն մարմնական վնասվածքներով տեղափոխվել են «Արնավիր» բժշկական կենտրոն: Դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 1-ին դասակի ծառայողները՝ վաշտի հրամանատար Գրիգոր Պողոսյանի, դասակի հրամանատար Մառլեն Սարգսյանի գլխավորությամբ: Տեղում հետաքննչական աշխատանքները ղեկավարել է նույն վաշտի ավագ հետաքննիչ Նարեկ Պետրոսյանը, ում կողմից փաստի առթիվ նյութեր են նախապատրաստվում: Գ. Շամշյանի տեղեկություններով, Cadillac-ի վարորդ Է. Ղազարյանը հայտնել է, որ ինքը «Եվրոթերմ» ՓԲԸ-ի տնօրենն է: