Վստահված անձանց վրա զինված հարձակում գործածը «Հոկտեմբերի 27»-ի գործով նախկին դատապարտյալ էր. Ոստիկանությունը հրապարակել է լուսանկարը

Մարտի 31-ին Հարավ-Արևմտյան թաղամասում խորհրդարանական ընտրություններին մասնակից դաշինքներից մեկի կողմնակիցների նկատմամբ զինված հարձակում գործած անձի ինքնությունը պարզվել է. նա «Հոկտեմբերի 27»-ի գործով նախկին դատապարտյալ Արթուր Այվազյան է՝ «Մանախ» մականունով։ Ոստիկանապետի խորհրդական Նարեկ Մալյանը իր ֆեյսբուքյան էջում հրապարակել է նրա լուսանկարը։ «Մանախը» նկատենք, մեկ տարի առաջ  ազատ արձակվել 15 տարվա պատժի կրումից հետո։  Նա նախկինում մեղադրվում էր և դատապարտվել էր «Հոկտեմբերի 27»-ի գործով կարևորագույն վկաների մեկի՝ Սամվել Առաքելյանի սպանությունը պատվիրելու համար։ Սամվել Առաքելյանը  սպանվել էր 2001-ի հոկտեմբերի 14-ին, նրա դիակը հայտնաբերվել էր Երևանի Հաղթանակ կամրջի տակ: