Ազատ դեմոկրատները ստորագրեցին ենոքավանցիների 12 կետերի տակ

Ազատ դեմոկրատներ կուսակցության երկու քաղաքական առաջնորդներ ՝ Անահիտ Բախշյանն ու Հրանտ Բագրատյանն այսօր Ենոքավանում էին: Այս հանդիպման նպատակը հետևյալն էր՝ քաղաքական գործիչները պետք է ստորագրեին համագյուղացիների կողմից մշակված զարգացման 12 կետերի տակ և պետք է կրեն պարտավորություն՝ մանդատ ստանալու պարագայում իրականություն դարձնել նախագիծը: Գյուղացիների համար սա մեծ անակնկալ էր,և ներկաներից մեկը նույնիսկ անկեղծացավ և ասաց,որ այսքան համեստ են նրանք: Բնակիչներից մեկը նշեց,որ  ծանոթանալով Ազատ դեմոկրատների ծրագրին շատ է զարմացել, երբ հասկացել է, որ կուսակցության և Հրանտ Բագրատյանի մշակած ծրագիրը բավականին նման է այն կետերին, որոնք մշակվել են ելնելով համայնքի խնդիրներից: Անահիտ Բախշյանը նշում է, որ ստանալով համապատասխան քվեներ ինքը և իր թիմը ձեռնամուխ են լինելու բոլոր կետերի իրականություն դարձնելու գործընթացին: Վերջինս նաև մեծ ցավ է զգում, այն փաստից, որ այս համայնքը զգալիորեն դատարկվել է երկու-երեք տարիների համեմատությամբ նույնիսկ: Ազատ դեմոկրատների առաջնորդներն առաջին քաղաքական ներկայացուցիչներն էին, որ ստորագրեցին ենոքավանցիների զարգացման ծրագրի բոլոր 12 կետերի տակ: