«Պարոն Տիգրան Սարգսյան, ուր է իմ հացը…». Աշոտ Մանուչարյան
«Ղարաբաղ» կոմիտեի անդամ, «Հոգևոր Հայաստան» նախաձեռնության աջակից Աշոտ Մանուչարյանն Ազատության հրապարակում հայտարարեց, որ այս հրապարակը սրբազան տեղ է, և այստեղ մտնող յուրաքանչյուր քաղաքական ուժ պետք է գործի, որպես հայ ժողովուրդ և կառավարի այս հրապարակը: ՕՐՕ դաշինքի ամփոփիչ հանրահավաքի ժամանակ Աշոտ Մանուչարյանը պատմեց 88-ի իրողություններից, երբ Տիգրան Սարգսյանը դեռ ԿԲ նախագահ էր, մի մուրացիկ կին է մոտեցել նրան, բայց Սարգսյանը մերժել է նրան, իսկ այդտեղ գտնվող Վազգեն Մանուկյանը փորձել է օգնել, սակայն կինը հրաժարվել է և դիմել է Սարգսյանին. «Պարոն Տիգրան Սարգսյան, ինչպե՞ս է պատահել, որ դուք մոռացել եք, ո՞ւր է իմ հացի փողը»։ Մանուչարյանը նշեց, որ Ազատության հրապարակում չկա բզկտվածություն, առանձնություն. «Մի հատ հիշեք՝ ինչ ջերմություն էր այս հրապարակում։ Չկար մի մարդ, որ հացն առանձին ուտեր»։ Անի Աղազարյան
Հետևեք մեզ Viber-ում
