3 ուժ՝ ԲՀԿ-ն, ՀՀԿ-ն և «ԵԼՔ»-ը կհատեն սահմանը.«ԵԼՔ»-ի և ՀՅԴ-ական թեկնածուները՝ իրենց շանսերի մասին
Թիվ 1` Ավան, Նոր Նորք և Քանաքեռ-Զեյթուն վարչական շրջաններում ՀՅԴ-ից առաջադրված թեկնածու Արմինե Ռուստամյանը և թիվ 4` Կենտրոն ընտրատարածքում «ԵԼՔ»-ից առաջադրված թեկնածու Ալեն Սիմոնյանը լրագրողների հետ հանդիպմանը հայտարարեց. «ՀՅԴ-ն իր ընտրողների թիվն ունի, իսկ «ԵԼՔ»-ի հարցումներով կուսակցությունն անցողիկ հորիզոնականում է:Մենք շանսեր ունենք: Մի քանի անգամ ես եղել եմ հանձնաժողովի անդամ, ում հանել և տվել եմ ՀՅԴ-ի թերթիկը, հարգանքով եմ տվել, որովհետև գիտեն, որ այդ թերթիկի հետևում կանգնած մարդը չի կաշառվել: Մենք ունենք մեր հաստատուն ընտրազանգվածը, որովհետև այդ ձայները մաքուր են»: « ՀՅԴ-ի ընտրողները քիչ են, սակայն հաստատուն: Քիչ ենք, թող քիչ լինենք, բայց դաշնակցություն ենք, ես ուրախ եմ իմ զինանշանի, կարգախոսի համար»,-ասաց նա: Ալեն Սիմոնյանը համաձայնեց, որ ՀՅԴ-ն հաստատուն ընտրազանգված ունի, սակայն ասաց, որ իրենց անցկացրած հարցումների համաձայն՝ ՀՅԴ-ն անցողիկ հորիզոնականում չէ.«Բավականին շատ համակիրներ ունենք, կան նաև չկողմնորոշված անձինք: Ըստ մեր հարցումների՝ անցողիկ շեմը հատում է երեք ուժ՝ ԲՀԿ-ն, ՀՀԿ-ն և «ԵԼՔ»-ը: Մնացած ուժերը, ըստ մեր հարցումների, չեն հատի անցողիկ շեմը: 18 տոկոսը դեռ չի կողմնորոշվել»:
Հետևեք մեզ Viber-ում
