Բանավեճ ՀՅԴ-ական և «ԵԼՔ»-ի թեկնածուների միջև

Թիվ 1` Ավան, Նոր Նորք և Քանաքեռ-Զեյթուն վարչական շրջաններում ՀՅԴ-ից առաջադրված թեկնածու Արմինե Ռուստամյանը այսօրվա ասուլիսում ասաց.  «Դաշնակցության ծրագրերը տարբերվող են, եթե ինչ-որ մի բան պոպուլիստական լիներ, ապա կուսակցությունը 127 տարվա պատմություն չէր ունենա: Այսօրվա կուսակցություններն ու դաշինքները նույնիսկ 127 ամսվա պատմություն չունեն:Մեր կուսակցության ծրագրերը պոպուլիստական չեն, ՀՅԴ-ն խորհրդարանում հինգ պատգամավոր ուներ և հինգ հոգով սահմանադրական փոփոխության է հասել»: ՀՀԿ-ն լուրեր է տարածել, թե ինքն ինքնաբացարկ է հայտնել, սակայն նման բան գոյություն չունի,ասաց Ա.Ռուստամյանը և հավելեց.«Տարածող ուժը նման քայլերի է դիմում և ձայների խնդիր ունի»: «ԵԼՔ» դաշինքի թեկնածու Ալեն Սիմոնյանն ասաց, որ իրենք 127 տարվա պատմություն չունեն և դա դրական բնութագիր են համարում: Հարցին, թե ինչու պետք է ընտրեն «ԵԼՔ»-ին, Ալեն Սիմոնյանն ասաց. «Մենք 127 տարեկան չենք, և դա մեզ համար լավ բնորոշում է: Բացի դրանից՝ այս պահից հայտարարում ենք, որ ՀՀԿ-ի հետ դաշինք չենք կազմելու՝ անկախ ընտրությունների արդյունքներից։ Բացի այդ՝ մենք ամենաերիտասարդ դաշինքն ենք»: «ԵԼՔ» դաշինքը դիմելու է Կենտրոնական ընտրական հանձնաժողով՝ դպրոցների տնօրենների ձայնագրություններով պայմանավորված և պահանջելու է անվավեր ճանաչել ՀՀԿ-ի գրանցումը,տեղեկացրեց Սիմոնյանը,ինչին միջամտեց   միջամտեց, որ չնայած կրթության և գիտության նախարարը դաշնակցական է, սակայն դպրոցների տնօրենները ցուցակներ են հավաքում ՀՀԿ-ի համար: Հարցին, թե փաստորեն Լևոն Մկրտչյանը ոչինչ չի արել չկուսակցականացված դպրոցներ ունենալու համար, բացի դրանից՝ ՀՅԴ-ն էլ ՀՀԿ-ի հետ համագործակցության հուշագիր ունի ստորագրած, ՀՅԴ-ական թեկնածուն պատասխանեց. «Ի՞նչ աներ, բոլորին գործից հանե՞ր»: