Վարդան Բոստանջյանը զարմանում է

Լրագրողների հետ հանդիպման ժամանակ «Ծառուկյան» դաշինքի պատգամավորության թեկնածու Վարդան Բոստանջյանն անդրադարձավ դաշինքի առաջարկած կետերին և փաստեց, որ «Ծառուկյան» դաշինքի առաջարկած ծրագրերը, մասնավորապես թոշակների եւ նվազագույն աշխատավարձի բարձրացումը, իրատեսական են։ Ինչպես փաստեց՝ քարոզարշավը ընթանում է թեժ մթնոլորտում: «Հատկապես վերջին օրերին մրցապայքարը ավելի կթեժանա, ինչը և տեղի է ունենում: Քաղաքական 9 ուժերը, որոնք գտնվում են մրցապայքարում, դեռևս նոր մոտեցումներ են առաջադրում, խնդիրներ, որպեսզի հանրությանն իրենց կողմը բերեն: Կարծում եմ, որ այս լարված իրավիճակը կտևի ներառյալ` մինչև մարտի 31-ը»,- հայտարարեց Վարդան Բոստանջյանը: Բոստանջյանը նշեց, որ իրենց ծրագրերը հնարավոր կլինի իրագործել եթե խորհրդարանում ունենան մեծամասնությունև փաստեց, որ ձեւավորվող խորհրդարանն, այնուհանդերձ, ավելի արդյունավետ կլինի: «Մենք առաջադրել ենք խնդիրներ, որոնք հասկանում ենք, առանց հասկանալու չէինք անի: Մենք 2017-ի համար ունենք գրեթե 3 միլիարդ դոլար: Պետական կառավարման համակարգի պահպանման ծախսերը կազմում են 21 տոկոս, սա բացահայտը, իսկ ոչ բացահայտը՝ 9 տոկոս ևս: Այսինքն՝ գումարի 1/3-րդ մասը գնում է պետական կառավարման համակարգի պահպանմանը: Զարմանում եմ նրանց վրա, ովքեր ուզում են մեր ռեյտինգը նսեմացնել, ասում են, թե անիրատեսական է: Այստեղ անիրատեսական ոչինչ գոյություն չունի: Դրանք կենցաղային հասարակ խնդիրներ են, որոնց լուծումը դեռ չի նշանակում, որ մենք դուրս ենք գալիս ճոխության դաշտ»,- ասաց բանախոսը: Անի Աղազարյան