«Ծառուկյան» դաշինքը համագործակցության հարց չի քննարկել

««Ծառուկյան» դաշինքի առաջարկած ծրագրերը, մասնավորապես թոշակների եւ նվազագույն աշխատավարձի բարձրացումը, իրատեսական են։ Պաշտոնապես Հայաստանի բյուջեի ծախսերի 21 տոկոսը, ոչ պաշտոնապես եւս 9 տոկոսը ուղղվում պետական համակարգի ծախսերի սպասարկմանը։ Ստացվում է, որ պետբյուջեի 1/3-ը ուղղվում է այդ նպատակին, այն դեպքում, երբ 1990-ական թթ-ին այս ցուցանիշը չէր գերազանցում 7 տոկոսը։ Եթե այդ ծախսերի 10 տոկոսը տնտեսվի, ապա լրացուցիչ 300 մլն դոլար կունենանք, որը հնարավոր է ուղղել կենսաթոշակների եւ նվազագույն աշխատավարձի բարձրացմանը»,-լրագրողների հետ հանդիպմանն ասաց «Ծառուկյան» դաշինքի պատգամավորության թեկնածու Վարդան Բոստանջյանը։ Մեր  ծրագրերը հնարավոր կլինի իրագործել եթե խորհրդարանում ունենանք մեծամասնություն։ Համագործակցության հարցերը քննարկվում են, երբ ձեւավորվում է երկրի կառավարման ընդհանուր համակարգը։ Այդ ընդհանուր համակարգի պարագայում, երբ քաղաքական ուժերից մեկը ունենում է  հնարավորություն՝ ազդեցություն ունենալու որոշումների վրա, բնականաբար, ինչ ուզում եք դրան անվանեք՝ կոալիցիա, թե ուրիշ բան, էս պահի դրությամբ «Ծառուկյան դաշինքը» այդ հարցը չի դրել, ավելին՝ մենք ասել ենք, որ չենք կազմելու կոալիցիա»,հավելեց նա: Սոնա Դավթյան