Առաջին նախագահի հետ երկար տարիներ եղել եմ և չեմ փոշմանում. Բագրատյան

«Եթե ես համաձայն լինեի Լևոն Տեր-Պետրոսյանի Ղարաբաղյան կարգավորման ծրագրին` մենք հիմա միասին կլինեինք :Ես առաջին նախագահի հետ երկար տարիներ եղել եմ և ես չեմ փոշմանում, որ իր հետ եղել եմ: Եթե ես համաձայնվեի նրա` Ղարաբաղի, այսպես կոչված, ծրագրին` մենք իրար հետ կլինեինք հիմա: Ոչ ոք ինձ չի համոզել, որ այնտեղ ծրագիր կա և կարող է լինել: Խաղաղությունն այն է, որ հիմա կա, նորից եմ ասում` հիմա է խաղաղությունը: Ցանկացած սխալ քայլ կբերի հավասարակշռության խախտմանն ու նոր պատերազմի», - Հայելի ակումբում հրավիրված ասուլիսում ասաց  «Ազատ դեմոկրատներ» կուսակցության ներկայացուցիչ Հրանտ Բագրատյանը: Մեր ընտրողները հիմնականում մտավորական մարդիկ են` հասկացող մարդիկ շատ կան, Հրանտ Բագրատյանը և   ափսոսանք հայտնեց, որ ընդդիմությանն այդպես էլ չհաջողվեց միավորվել: «Մեղքս պիտի ընդունեմ նաև իմ չափով` ոչ մի բան չհաջողվեց անել, որ միավորվի ընդդիմությունը, դա մեր մեղքով էր` 3 ուժ կար, եթե գոնե դրանք միավորվեին 30-40 տոկոս ձայն կգար:Խոսքը «Ելք»-ի, «Ազատ դեմոկրատների և Կոնգրես-ՀԺԿ դաշինքի մասին է », - ասաց Հրանտ Բագրատյանը: «Եթե չլինեին Ղարաբաղի հարցով այս մոտեցումները ՀԱԿ-ի: Ես անկեղծ եմ, նորից եմ ասում, ամեն ինչ արել եմ, ոչ մի ամբիցիա չեմ ունեցել ` չգիտեմ ո՞վ, ո՞ւմ ի՞նչ ասեց` վերջում չստացվեց», - ասաց Հրանտ Բագրատյանը: Սոնա Դավթյան