Աղբարկղ նետեք ՀՀԿ-ի և «Ծառուկյան դաշինքի» քվեաթերթիկները.Արամ Սարգսյան
«Ելք» դաշինքի անդամ, «Հանրապետություն» կուսակցության ղեկավար Արամ Սարգսյանը երեկ Վանաձորում էր,որտեղ կայացած նախընտրական հանդիպման ժամանակ հայտարարել է, որ այս ընտրություններում հաղթող է ճանաչվելու «Ելք» դաշինքը. «Հանրապետական կուսակցությունը վախեցած է: Վերջապես ՀՀ նախագահը լայաղ արեց ընտրությունների մասին բան խոսել ու առաջինն անդրադարձավ մեզ՝ «Ելք» դաշինքին: Ախպեր ջան, քեզ հաղթողը քո «Գելափի» ցուցանիշներով Գագիկ Ծառուկյանն է, մեզ հետ ի՞նչ գործ ունես: Բա ինքն ա քեզ կրում, քո մտահոգությունդ էնտեղ է, հետեւաբար քո հարցումներդ ծերից ծեր սուտ են: Հետեւաբար իրենք իրենց հարցումներում տեսնում են, որ հաղթողը «Ելք» դաշինքն է: Ու իրենք վախեցած են ձեր ձայներից, դրա համար էլ էդ մարդը փորձում է մեզ վարկաբեկել»: «Բնականաբար, Հայաստանի ամենահարուստ մարդը գնում է մարզեր, որտեղ ապրում են ամենաաղքատ մարդիկ, բնական է, որ պետք է գնան ու փող ուզեն: Ծառուկյանը իսկապես երևույթ է, նրա հետ հանդիպումների ժամանակ շատ մարդիկ են հավաքվում, նամակներ են ուղարկում, որի մեջ գրված է՝ փող տուր: Էդ մարդն ասում է՝ «ֆոկուսչիկ» պետք է լինել, որ 16 հազար դրամով ապրել կարողանաս, շատ ճիշտ է, բայց ես նույնկերպ մտածում եմ, որ ֆոկուսչիկ պետք է լինել էս երկրի իշխանությունների հետ կապ չունենալու ու սեփական կազինո ունենալու համար, էդ կազինոյով մոնոպոլ լինել, միլիոնների և միլիարդների սեփականություն ունենալ»,երեկ Վանաձորում ընտրողների հետ հանդիպմանն ասել է Արամ Սարգսյանը և վանաձորցիներին խորհուրդ է տվել ապրիլի երկուսին քվեախուց մտնելիս աղբարկղը նետեն ՀՀԿ-ի և «Ծառուկյան» դաշինքի քվեաթերթիկները:
Հետևեք մեզ Viber-ում
