«Ուզում ենք հասկանալ՝ ե՞րբ է էդ լավը լինելու».քաղաքացին՝վարչապետին

«Ուզում ենք հասկանալ՝ ե՞րբ է էդ լավը լինելու»,Աջափնյակում նախընտրական քարոզարշավի ժամանակ նման հարց ուղղեց քաղաքացիներից մեկը՝վարչապետ Կարեն Կարապետյանին: Երկար կարող եմ  թվարկել՝ ինչ ենք  արել,թե 2016 և 2017 թվականների վիճակագրական տվյալների միջև զգալի տարբերություններ կան, մասնավորապես՝ 10.6 տոկոս սեփական եկամուտների աճ է գրանցվել, 16.1 տոկոս արդյունաբերության աճ, արտահանման 20 տոկոս աճ և այլն,ասաց Կարեն Կարապետյանը և հավելեց,որ   իրենք վերջին ամիսներին հասել են նրան, որ եթե առաջ կային գերիշխող, մենաշնորհային մատակարարներ տարբեր ապրանքների ոլորտում, ապա հիմա մատակարարների թիվը աճել է: «Դուք էսքանից հետո շատ տրամաբանական հարց կտաք. այսքան բան արել եք, բայց իմ կյանքը չի փոխվել, ինչո՞ւ է այդպես ու կասեք, թե այս թվերը անտրամաբանական են: Ոչ, անտրամաբանական չի, իսկ թվերն էլ նկարած չեն: Մենք այնքան ջանք, ներդրումներ պետք է անենք, որ որակյալ փոփոխությունների հասնենք: Հողը էնքան չոր է, որ պետք է ջրես, որ գա մի վիճակի, որ սերմը ցանես, բերք տա: Եթե մենք ուզում ենք որակյալ փոփոխության հասնել, չգիտեմ մի տարբերակ, որ միանգամից տեսնեն արդյունք:Արդյունքի հասնելու  համար պրոցես է պետք», - հայտարարեց վարչապետը: