Նոր մանրամասներ ԵԼՔ դաշինքի անդամների վթարից

Այսօր՝ մարտի 24-ին, ավտովթար է տեղի ունեցել Տավուշի մարզում: Ժամը 19:40-ի սահմաններում Երևան-Իջևան ավտոճանապարհի 127-րդ կմ հատվածում բախվել են Համլետ Զարոյանի վարած Toyota Camry մակնիշի 068 ՕՕ 11 համարանիշի և 40-ամյա Արտեմ Ստեփանյանի վարած ГАЗель մակնիշ 22 ԼԼ 418 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, զոհեր և վիրավորներ չկան: Դեպքի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի աշխատակիցները՝ վաշտի հետաքննիչի գլխավորությամբ, ում կողմից փաստի առթիվ նյութեր են նախապատրաստվում: Գ. Շամշյանի տեղեկություններով՝ Toyota Camry-ի համարանիշները հաշվառված են Ազագային ժողովի հաշվեկշռում և սպասարկում է Ազգային ժողովի պատգամավոր, «Ելք» դաշինքի համամասնական ցուցակը գլխավորող Էդմոն Մարուքյանին: Գ. Շամշյանի տեղեկություններով՝ երբ ԱՊՊԱ գործակալները պահանջել են Է. Մարուքյանի վարոդական վկայականը, նա հայտնել է, որ այն իր մոտ չէ, գտնվում է տանը: Եթե իրոք դա այդպես է, վարորդը չի ստում, այլ պարզապես վարորդական իրավունքի վկայականը իր մոտ է, սակայն այս պահին հրաժարվում է ներկայացնել՝ թե ԱՊՊԱ-ին, թե ճանապարհային ոստիկաններին, ապա Է. Մարուքյանը մտածելու տեղ ունի, քանի որ նա բազմաթիվ անգամներ բարձրաձայնել է, որ պետք է ճանապարհային ոստիկանները խիստ լինեն այն վարորդների նկատմամբ, ովքեր մեքենաները վարում են ճանապարհային երթևեկության կանոնները խախտելով, ոչ սթափ և իրենց մոտ չեն ունենում վարորդական իրավունքի վկայական: Ինչպես ավելի վաղ հայտնել էր SHAMSHYAN.com-ը, երեկ Գեղարքունիքի մարզում ավտովթարի էին ենթարկվել նորից «Ելք» դաշինքի լիդերները: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: