Վարչապետը տրամադրված է

Վարչապետ Կարեն Կարապետյանը քարոզարշավի շրջանականերում այսօր Աջափնյակ համայնքում էր:Երկիրը ճիշտ զարգանալու համար Կարեն Կարապետյանն իր առաջարկն ուներ :Մեր զինվորական հրամանատարներն իրենց գործն արել են, պետք է քաղաքացիական հրամանատարներն իրենց գործը կատարեն,ասում է նա. «Մի բան հստակ է` մեր քաղաքացիական հրամանատարներն ունեն զինվորական հրամանատարների հանդեպ պարտք, որը փոխհատուցել է պետք»։ «Մենք այսօր ինքնուրույն որոշումներ կայացնելու հնարավորություն ունենք։ Մենք շատ դեպքերում իրարից կարող ենք նեղանալ ու այնպիսի՜ հարցերի վրա աժիոտաժ սարքել, բայց մենք չափազանց պետք է ուշադիր լինենք այնպիսի իրադարձությունների հանդեպ, որոնք կարող են մեր երկիրն ապակայունացնել»,-ասաց նա: «Երջանիկ երկրների մեջ որևէ անգամ չի մտել նավթի, գազի բնական պաշարներ ունեցող երկիր, այլ մտել են այն երկրները, որոնք ունեն ստեղծագործ մարդիկ։Գրքերից մեկում կարդացել եմ, որ դա կոչվում է ռեսուրսային անեծք։ Չեմ ասում` լավ է, որ մենք բնական ռեսուրսներ չունենք, բայց մեր ամենամեծ պոտենցիալը մարդն է»,տեղեկացրեց վարչապետը: Այս 6 ամվա ընթացքում կատարել ենք խորը և անկողմնակալ ախտորոշում ու գիտեն` ինչպես լուծել երկրի առջև ծառացած խնդիրները,ասաց նա դավթաշենցիներին : «Այն բարեփոխումների ծրագիրը որ ներկայացնում ենք, առանձնանում է երեք հատկանիշով` հավակնոտ է, պրագմատիկ, և այն թիմը, որը դա իրագործելու է, ունի կամք և հարկ եղած դեպքում` կոշտություն՝ այն իրագործելու համար»,վարչապետի գնահատականն է:   Նա ընտրողներին կոչ արեց իրենց ծրագիրը համեմատել մյուս ուժերի ծրագրի հետ, որտեղ, ըստ նրա միայն քննադատություններ են ու իրենց ծրագիրն ավելի իրատեսական է. «Տրամադրված ենք առնվազն 2018 թվականին աշխատավարձերի և կենսաթոշակների խնդիրները վերանայել»: