ՕՐՕ դաշինքի բոլոր անդամները ողջունեցին բռնության հայտարարությունը. Իսագուլյան

ԼՂՀ ՊԲ նախկին հրամանատար, Արցախի հերոս Սամվել Բաբայանի ձերբակալությանն անդրադառնալով,Ազգային անվտանգություն կուսակցության նախագահ, Արցախի Հանրապետության նախագահի խորհրդական Գառնիկ Իսագուլյանը լրագրողներին ասաց,որ հիմք չունենք Ազգային անվտանգության ծառայությանը չվստահելու համար: Կուսակցությունները պետք է ձեռնպահ մնան տարբեր որակումներ տալուց, որովհետև ԱԱԾ-ն հայտարարել է՝ անհերքելի փաստեր գոյություն ունեն,ասաց Իսագուլյանը և հավելեց. «Տվյալ տեսակի զենիթա-հրթիռային համակարգը՝ Իգլան, հիմնականում նախատեսված է 3-5 կմ բարձրությամբ թռչող օբյեկտների ոչնչացման համար՝ ինքնաթիռ, անօդաչու թռչող սարք: Թե ինչպես է նախատեսված եղել այն օգտագործել, այդ մասին խոսք չկա»: Տեսակետ կա, որ Ղարաբաղում կռվածներին ուզում են մեկուսացնել եւ Սամվել Բաբայանի ձերբակալությունը կապված է Ղարաբաղյան հարցի հետ հարցին  Իսագուլյանը պատասխանեց,որ դա հնարավոր չէ, սա որեւէ քաղաքական դեպքի հետ կապված չէ, կոնկրետ քրեական գործ է, որեւէ կապ չունի ոչ քաղաքական, ոչ ղարաբաղյան հիմնախնդիրների հետ: «Օհանյան-Րաֆֆի-Օսկանյան» դաշինքի հետ կապված էլ  հայտարարեց,որ ինչ եղավ Սասնա ծռերից երկու ղեկավարների՝ Ժիրայր Սեֆիլյանի եւ Վարուժան Ավետիսյանի հայտարարությունը եւ ՕՐՕ դաշինքի բոլոր անդամները ողջունեցին այդ հայտարարությունը, որտեղ հստակ կոչ էր արվում.« Եթե մարդիկ ողջունում են, ուրախ են, որ հատկապես իրենց հետ են այդ հույսերը կապում, ինչի՞ մասին է խոսքը: Ցանկացած վերլուծաբան կարող է սրանից հետեւություն անել»: Սոնա Դավթյան