ՕՐՕ դաշինքը քաղաքական լուրջ հակառակորդի կերպար չի կարող ունենալ.Այվազյան
«Վերապահում ունեմ Ծառոևկյան դաշինքի տասնհինգ կետերի վերաբերյալ: Ցանկացած ծախսին համարժեք պետք է լինի եկամտի հստակ ձեւավորված աղբյուր»,- ՀՀԿ պատգամավորի թեկնածու Վարդան Այվազյանն անդրադարձավ «Ծառուկյան» դաշինքի առաջնորդ Գագիկ Ծառուկյանի այն հայտարարությանը, թե նա կոալիցիա կկազմի անգամ հանրապետականների հետ, եթե վերջիններիս ընդունեն իր նախընտրական ծրագրի 15 կետերը: «Ծառուկյան» դաշինքի նախընտրական ծրագրի կետերը քննարկելու լավագույն տարբերակը դաշինքի թեկնածուների հետ բանավեճն է,ասաց նա և անդրադարձավ նաեւ ընդդիմադիրների պնդումներին, թե ՀՀԿ-ի հետ կոալիցիա կազմելը բացառվում է. «ԱԺ-ի ձեւավորման օրը գա՝ կտեսնենք»: «Օհանյան-Րաֆֆի-Օսկանյան» դաշինքը քաղաքական լուրջ հակառակորդի կերպար չի կարող ունենալ ՝ անդրադառնալով Արցախի պաշտպանության բանակի նախկին հրամանատար Սամվել Բաբայանի ձերբակալությանը ,ասաց Այվազյանը: Նա խորհուրդ տվեց այդ գործով հապշտապ մեկնաբանություններ չանել, քանի որ գործ ունենք հստակ մեղադրանքի հետ: Հարցին,թե «Օհանյան-Րաֆֆի-Օսկանյան» դաշինքը այդ ձերբակալությունը կապում է իր գործունեության հետ եւ նշում, որ դրանով իշխանությունները փորձում են իրենց խանգարել մուտք գործել խորհրդարան, ՀՀԿ-ական պատգամավորն ասաց. «Մի քիչ, կներեք էլի, նման մեղադրանք առաջադրել… ՕՐՕ-ն հարցումներով այն լուրջ նիշան չի զբաղեցնում, որ քաղաքական լուրջ հակառակորդի կերպար ունենա: Ես սոցիոլոգիական հարցումներ եմ անցկացրել տեղամասում, որտեղ առաջադրված եմ եւ եկել եմ այս եզրակացության»: Սոնա Դավթյան
Հետևեք մեզ Viber-ում
