Երեխայիս լյարդի ու թոքի կեսը չկա. կնոջ խնդրանքը վարչապետին
Արարատի մարզում այսօր ՀՀԿ նախագահի առաջին տեղակալ Կարեն Կարապետյանը հանդիպել է տեղաբնակների հետ և լսել նրան մտահոգող հարցերը:
Ընտրողներից մեկը վարչապետին պատմեց, որ արդեն 16 տարի իր 6 երեխաների հետ ապրում է անմարդկային պայմաններում:
«Մի երեխայիս լյարդի ու թոքի կեսը չկա, բնակարան չունենք, բոլորը գիտեն՝ մենք ինչ պայմաններում ենք ապրում: Բազմիցս դիմել եմ բնակարանի համար, բայց ոչ մի լուծում չկա»,- ասաց նա Կարեն Կարապետյանին՝ խնդրելով օգնել:
Վարչապետը խոստացավ խնդրի մասին տեղյակ պահել սոցապնախարարությանը:
«Մենք շատ լավ հասկանում ենք, որ մեր քաղաքացիների մինիմալ պահանջները չենք կարողանում հոգալ, պատճառը մեր կարողություններն են»,- ասաց Կարեն Կարապետյանը:
Հետևեք մեզ Viber-ում
