Օգուտները լավ գիտի
Եվրասիական տնտեսական միությունը (ԵՏՄ) անդամակցությունը Հայաստանին միայն օգուտ է բերում, իսկ միությունն ինքը շատ հեռանկարներ ունի։ Նման կարծիք է հայտնել Հայաստանում Ռուսաստանի դեսպան Իվան Վոլինկինը՝ Հայաստանի կոմունիստական կուսակցության ղեկավարության ու անդամների հետ հանդիպման ժամանակ։ «Շատ քննադատներ կային, որոնք ասում էին, թե ԵՏՄ-ն ձախողվել է, բայց իրականում դա այդպես չէ։ Անցյալ տարվա վիճակագրությունն ակնհայտ է եւ ասում է, որ շատ ոլորտներում մեծացել է ապրանքաշրջանառությունը, մեծացել են նաեւ այլ ցուցանիշներ։ Ես կարծում եմ, որ ԵՏՄ-ն մեծ հետանկարներ ունի, եւ մենք միասին կաշխատենք այդ ուղղությամբ», - նշել է դեսպանը։ Նա հավելել է, որ Ռուսաստանն այսօր ուշադրությամբ հետեւում է Հայաստանին եւ նախագահականից խորհրդարանական համակարգ նրա անցումին։ Դեսպանի խոսքով՝ երկրի ապագան կախված կլինի այն բանից, թե ինչպես կանցնեն այդ ընտրությունները։ «Ես մեծ ակտիվություն եմ նկատում բոլոր կուսակցությունների ու դաշինքների կողմից, բոլորը ձգտում են ներկայացնել իրենց ծրագրերը, ցույց տալ, թե ինչ են նրանք ցանկանում անել երկրի համար։ ժողովուրդն, իհարկե, ինքը կորոշի, թե ում օգտին կքվեարկի», - ասել է դեպսանը։ Դիմելով Հայաստամի կոմունիստական կուսկացության անդամներին՝ Ռուսաստանի դեսպանն ընդգծել է. «Ձեր կուսակցությունը միշտ սերտ կապերի մեջ է եղել Ռուսաստանի Դաշնության Կոմունիստական կուսակցության հետ, դրանք փաստացի միեւնույն խնդիրներն ու հանձնարարություններն են։ Ռուսաստանի նկատմամբ ձեր վերաբերմունքը ընդհանուր առմամբ հասականալի ու ըմբռնելի է, եւ մեզ համար շատ հաճելի է, որ դուք նպատակաուղղված եք հետագայում մեր պետությունների միջեւ հարաբերությունները զարգանալուն։ Մեր հարաբերությունների զարգացումն իսկապես օբյեկտիվ անհրաժեշտություն է»։ Իր հերթին Հայաստանի կոմունիստական կուսակցության ղեկավար Տաճատ Սարգսյանը իր 19 րոպե տեւած ելույթի ժամանակ խոսել է կուսկացության գործունեության մասին, նրա նախընտրական ծրագրի եւ ապագայի հետ կապված ծրագրերի մասին, ինչպես նաեւ Հայաստանի եւ Ռուսաստանի միջեւ առավել սերտ համագործակցության մասին։
Հետևեք մեզ Viber-ում
