Տողանյանը խոսել է իր նախկինից
Ռուսաստանում Հայաստանի դեսպանությունը ակտիվ համագործակցելու է զանգվածային լրատվամիջոցների հետ: Մարտի 22-ին լրագրողների հետ հանդիպման ժամանակ ասել է ՌԴ-ում Հայաստանի արտակարգ և լիազոր դեսպան Վարդան Տողանյանը:«ՌԴ-ում ՀՀ դեսպանատունը մաքսիմալ բաց կլինի ԶԼՄ-ների համար: Այս տարի կա համատեղ կազմակերպված շատ հետաքրքիր միջոցառումների ցանկ: Մենք կլինենք բավականին ակտիվ, բաց և թափանցիկ լրատվամիջոցների հետ: Համացանցում դեսպանատունն ունի իր ֆեյսբուքյան և թվիթերյան էջերը, և համացանցի առումով նույնպես ակտիվ աշխատանք է տարվելու»,- նշել է նա: Հարցին՝ ինչպե՞ս է գնահատում իրեն նախորդող դեսպան Օլեգ Եսայանի գործունեությանն ուղղված քննադատությունները, հաղորդել է, որ չնայած քննադատություններին՝ հայ-ռուսական հարաբերությունները դինամիկ կերպով զարգացել են. «Ես շատ կարող եմ իմ ծրագրերից խոսել, շատ եմ խոսել այդ մասին, կխոսեմ այսօր ևս, բայց նախորդ դեսպանի գործունեությունը մեկնաբանելուց կհրաժարվեմ։ Հուսով եմ՝ կհասկանաք»։
Հետևեք մեզ Viber-ում
