«Իսկ Սերժ Սարգսյանը Քոչարյանի կադրը չի՞». քաղաքագետ

«Ինտերֆաքս»-ին տված հարցազրույցում ԵԱՀԿ Մինսկի խմբի ամերիկացի համանախագահ Ջեյմս Ուորլիքը՝ պատասխանելով հարցին, թե ո՞րն է ղարաբաղյան հակամարտության կարգավորման կատարյալ սցենարն ԱՄՆ-ի համար,  պատասխանել է, որ Լեռնային Ղարաբաղի հակամարտության կարգավորումը ենթադրում է տարածքների մի մասի վերադարձ Ադրբեջանին Լեռնային Ղարաբաղի կարգավիճակի դիմաց։ Թեմայի շուրջ Hayeli.am-ը զրուցեց քաղաքագետ Լևոն Շիրինյանի հետ: Մեր զրուցակցի փոխանցմամբ՝ պետք չէ մեծ ուշադրություն դարձնել այդ հայտարարությանը, քանի որ կիրառված է մի բանաձև, որի հետ Ադրբեջանը չի համաձայնվի, քանի որ այն  իրականում չիրականացված տեսակետ է և առաջարկվող բանակցությունների տեսակ: «Այստեղ նորից ամերիկացիները ավելի արդարացի խոսեցին:Պետք է հասկանանք, որ Մադրիդյան սկզբունքները միշտ բերելու են այս վիճակին: Օտարներն աշխատելու են, որ Ադրբեջանին լավություն անեն՝ Հայասատանի հաշվին: Քանի որ Հայաստանում տեղի է ունենում իշխանափոխություն, նոր վարչապետը օգտվելով այս շրջանում տիրող դադարից, պետք է հայտարարի Մադրիդյան սկզբունքների չեղարկման մասին և ընդունի 1960 դեկտեմբերի 14 ՄԱԿ-ի հռչակակգիրը»,-նշեց պարոն Շիրինյանը: Այս օրերին քննարկվում է Արգետինայում ՀՀ դեսպան Ալիկ Հարությունյանին Սերժ Սարգսյանի օգնական նշանակելու, իսկ ԱԽՔ ղեկավար Արմեն Գևորգյանին նախագահի աշխատակազմի ղեկավարի պաշտոնին նշանակելու մասին լուրերը: Պետք է նշենք, որ այս երկու պաշտոնյաները քաղաքական դաշտում հայտնի են որպես երկրորդ նախագահ Ռոբերտ Քոչարյանի կադրեր, որից էլ հարց է առաջանում՝ վերադառնո՞ւմ են երկրորդ նախագահի կադրերը: Մեր այս դիտարկումներին ի պատասխան քաղաքագիտության դոկտոր, պրոֆեսոր Լևոն Շիրինյանը նկատեց. «Իսկ Սերժ Սարգսյանը Քոչարյանի կադրը չի՞:Սրանք Լևոն Տեր-Պետրոսյանի կադրերը չե՞ն.նրանք նույն շրջագծի մեջ են: «էլիտան»՝ իր նախկին կադրերով, համախմբվում է: Նրանք հավաքվում են, որպեսզի շրջապատեն նոր վարչապետին, քանի որ Սերժ Սարգսյանն երկրորդ «պլան» է գնալու: Ռուսաստանի համակրանքով Կարեն Կարապետյանի անսպասելի վերադարձը վարչապետի պաշտոնում ենթադրում է, որ քաղաքական խմբակցության փոխանակում է տեղի ունենում»,-շեշտեց քաղաքագետը: Լուսին Միքաելյան