Պետք է բացառել «փոխզիջում» բառը. Աղդամն, այո, մեր հայրենիքն է. Նիկոլ Փաշինյան
Քաղաքացիական պայմանագիր կուսակցության հանրահավաքում կուսակցության քաղխորհրդի անդամ Նիկոլ Փաշինյանը խոսել է ղարաբաղյան կարգավորման մասին: Նա ասել է, որ Հայաստանի իշխանության թուլամորթ պահվածքը հանգեցրել է պաշտոնական Բաքվի ագրեսիվ հռետորաբանությանը, որը պահանջում է ոչ միայն Ղարաբաղը, այլեւ Հայաստանը: Այս պարագայում Հայաստանի քաղաքական բառապաշարից պետք է բացառել «փոխզիջում» բառը: Այդ պայմաններում, Աղդամն, այո, մեր հայրենիքն է: Նա խոսել է կարգավորման գործընթացում Հայաստանի ներքին վերափոխումների անհրաժեշտության մասին, որն ընդգրկում է բարձր տեխնոլոգիական տնտեսության ստեղծումը, հայրենադարձությունը: Նա ասել է, որ Հայաստանում պետք է լինի 4 միլիոն բնակչություն:
Հետևեք մեզ Viber-ում
