Նիկոլ Փաշինյանին հանրահավաքում առաջադրեցին վարչապետի պաշտոնում

«Քաղաքացիական պայմանագիր» կուսակցությունը Հայաստանի վարչապետի պաշտոնում առաջադրում է ԱԺ պատգամավոր Նիկոլ Փաշինյանի թեկնածությունը։ Առաջարկը Ազատության հրապարակում հնչեցրել է վարչության անդամ Լենա Նազարյանը։ Նրա խոսքով, Փաշինյանին առաջադրում են իշխանափոխության գործընթացն արագացնելու, Սերժ Սարգսյանին իշխանությունից հեռացնելուն նպաստելու համար։ Առաջիկայում կուսակցությունը բանակցություններ է սկսելու ընդդիմադիր այլ ուժերի հետ՝ ստվերային կառավարություն ստեղծելու համար։ Առաջարկը հանրահավաքի մասնակիցների կողմից ընդունվել է ծափահարություններով։ Այժմ ելույթ է ունենում Նիկոլ Փաշինյանը։