«Կոշտ դիրքորոշում է որդեգրվելու. մենք այս հարցը մեկընդմիշտ կլուծենք»․ վարչապետ

ՀՀ վարչապետ Նիկոլ Փաշինյանը Դիլիջանում համայնքապետերի հետ հանդիպմանը հայտարարեց, որ փոխզիջում չի լինելու: «Դիլիջան» ազգային պարկի շուրջ ստեղծված իրավիճակը էականորեն պետք է փոխվի։ Ես ակնկալում եմ, որ այդ հարցով լուրջ համագործակցություն կծավալեն ազգային պարկի տնօրինությունը, ոստիկանությունը, ազգային անվտանգության ծառայությունն ու քաղաքապետարանը, որպեսզի իրավիճակի էական փոփոխություն ունենանք: Փայտային մաֆիայի գործունեությունը դադարեցված է և պետք է դադարեցված մնա, այլ ելք չկա»,- ասաց Նիկոլ Փաշինյանը։ Նիկոլ Փաշինյանը հույս հայտնեց, որ որոշ անձինք չեն փորձի մարդկանց ներքաշել իրենց նեղ շահերի մեջ։ «Կոշտ դիրքորոշում է որդեգրվելու։ Մենք այս հարցը մեկընդմիշտ կլուծենք»,-ասաց նա։