«Թալանել ու հարստացել են սերմացու գողացող մկան պես». ՀՀ վարչապետ

«ՀՀ-ում հաստատված է եղել իշխանություն, որ մարդիկ լինեն աղքատ, ինչո՞ւ, որպեսզի ընտրությունների ժամանակ գան, 5000 դրամը բաժանեն, և էդ մարդկանց կարողանան ստիպեն՝ իրենց օգտին քվեարկել: Եթե չքվեարկեք՝ աղքատության նպաստից կզրկվեք »,- Իջևանում  ելութի ժամանակ ասել է  Նիկոլ Փաշինյանը: «Կոչ եմ անում՝ մի նստեք պարապ, գնացեք խոշոր եղջերավոր անասուններ պահեք, որովհետև չենք ուզում մնաք աղքատ, որ ընտրությունների ժամանակ գանք, ասենք՝ մեր օգտին քվեարկեք, թե չէ նպաստը կկտրենք: Ընտրությունների ժամանակ դուք պետք է գաք ու խոսեք տնտեսության մասին»,- հավելել է նա: «Մեր հերոսները պետք է լինեն ոչ թե նրանք, ովքեր իշխանության համար ընտրություն են կեղծում, այլ՝ ովքեր իրենց քրտինքով արդյունք են ստեղծում: Մինչև հիմա ՀՀ-ում թալանել ու հարստացել են, ինչպես հայտնի ֆիլմի հերոսն էր ասում, սերմացու գողացող մկան պես»,- ընդգծել է վարչապետը:«Բոլոր ընտրակաշառք տվողները բռնվելու են ու դատվեն, հետո չասեք՝ քաղաքական հետապնդում ա: Փողով ու մի կիլո բրնձով ընտրություն կատարելով՝ լիազորում եք, որ ձեզ թալանեն: Թույլ մի տվեք ձեզ թալանեն, հետո էլ գնան, թալանած փողերը ծախսեն, Ֆեյսբուքում ֆեյքեր բացեն, որ իրենց պաշտպանեն: Որովհետև կենդանի մարդ չկա, որ իրենց պաշտպանի»,- հայտարարել է  երկրի վարչապետը: