Խոշոր ավտովթար Գեղարքունիքի մարզում. բախվել են BMW-ն ու Chevrolet Niva-ն, BMW-ն էլ բախվել է երկաթե արգելապատնեշին. կա վիրավոր

Երեկ՝ հուլիսի 29-ին, խոշոր ավտովթար է տեղի ունեցել Գեղարքունիքի մարզում։ Ժամը 19։40-ի սահմաններում Երևան-Իջևան ավտոճանապարհի 60-րդ կմ հատվածում բախվել են Արտաշատ քաղաքի բնակիչ՝ 22-ամյա Աշոտ Գրիգորյանի վարած BMW մակնիշի 01 GC 202 համարանիշի և Իջևան քաղաքի բնակիչ՝ 58-ամյա Շիրակ Ծատուրյանի վարած Chevrolet Niva մակնիշի 19 ԼՍ 642 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով BMW-ուղևոր՝ 55-ամյա Արևիկ Մինասյանը մարմնական վնասվածքներով տեղափոխվել է Սևանի բժշկական կենտրոն։ Դեպքի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողները՝ վաշտի հրամանատար Էդգար Սուսլիյանի, դասակի հրամանատար Վրույր Գաբրիելյանի գլխավորությամբ։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Յուրա Հովհաննիսյանը տեղեկությունը փոխանցել է ոստիկանության Սևանի բաժին, որտեղից ժամանել է օպերատիվ խումբը՝ բաժնի պետ Սուրիկ Ջանիկյանի գլխավորությամբ։ Փաստի առթիվ ՃՈ 2-րդ սպայական գումարտակի 4-րդ վաշտի ավագ հետաքննիչ Բակուր Սարիբեկյանի կողմից նյութեր են նախապատրաստվում։ Բախման հետևանքով BMW-ն դուրս է եկել ճանապարհի երթևեկելի գոտուց և բախվել երկաթե արգելապատնեշին Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: