Ոսկեպարը կդառնա անկլավ․ համայնքի վարչական ղեկավար
Ոսկեպարում ականազերծման աշխատանքներն արդեն գնում են, այսօր էլ երևի ավարտին են հասցնում, այդ հատվածում սահմանագծում, սահմանազատում է տեղի ունենալու։ Մնացած հատվածները, որը վիճելի տարածքներ են, մեզ ասացին, որ դա էլ հետո է լուծում ստանալու, այսինքն՝ այն եռանկյունիները, որոնց մասին մի 10 օր առաջ մեզ ասել էր, մնում են, անկլավը՝ ևս։ Այս մասին հայտնեց Ոսկեպարի գյուղապետ Իշխան Աղբալյանը՝ մանրամասներ հայտնելով կառավարությունում տեղի ունեցած հանդիպումից։
Աղբալյանի խոսքով՝ դրանք հետագայում որոշվող հարցեր են, հանրաքվեի արդյունքում պետք է որոշվի, մի բան, որը 90 տոկոսով կախված է լինելու Ադրբեջանից՝ կցանկանա արդյոք հանրաքվե, թե ոչ։
«Եթե ոչ, ապա արդեն դուք էլ եք հասկանում, թե այդ տարածքների հետագան ինչ կլինի։ Կարճ ասած՝ Ոսկեպարը կմնա ձեր պատկերացրած անկլավ»,- ասաց նա։
Աղբալյանը նշեց, որ հանձնաժողովից դուրս է գալիս։
Հետևեք մեզ Viber-ում
