Միկա Բադալյանն ու Աշոտ Գևորգյանը 72 ժամով կալանավորվել են
Բլոգեր Միկա Բադալյանի եւ Sputnik Արմենիայի ռադիոյի սյունակագիր Աշոտ Գևորգյանի հարցաքննությունն ավարտվել է, նրանք 72 ժամով կալանավորվել են: Այս մասին NEWS.am-ին հայտնեց նրանց պաշտպանը՝ Լիաննա Գրիգորյանը:
«Նրանք Գորիսի քննչականում են այս պահին, քննչական գործողությունները քիչ առաջ ավարտվեցին, նրանք 72 ժամով ձերբակալված են: Պաշտպանական կողմը կարծում է, որ նրանք առաջադրված մեղադրանքի հետ առնչություն չունեն, դա թյուրիմացություն է»,- ասաց նա:
Ավելի վաղ Քննչական կոմիտեն հայտնել էր, որ Միկա Բադալյանը, Աշոտ Գևորգյանը և ևս հինգ անձ Գորիսում ձերբակալվել են հրազենի ապօրինի շրջանառության կասկածանքով:
Հետևեք մեզ Viber-ում
