Կրեմլին նյարդայնացնելու հստակ գիծ` պատերազմից 5 պակաս

ԱՄՆ-ի հետ վարժանքներ անցկացնելու Հայաստանի ծրագրերը ցուցադրական քայլ են՝ ցույց տալով, որ Երևանը ձգտում է կողմնորոշվել դեպի Արևմուտք, ՌԻԱ Նովոստի գործակալությանն ասել է Ռուսաստանի նախագահին առընթեր արտաքին հարաբերությունների խորհրդի անդամ Բոգդան Բեզպալկոն։

«Նիկոլ Փաշինյանը սկսում է փորձարկել Ռուսաստանի համբերությունը՝ ձեռնարկելով մի շարք ցուցադրական քայլեր, որոնք ակնհայտորեն անընդունելի են Ռուսաստանի հետ դաշնակցային հարաբերությունների համար։ Քայլերը պետք է խորհրդանշեն Հայաստանի վերակողմնորոշումը ռուսական վեկտորից դեպի արևմտյան։ Սա հստակ ցույց է տալիս, որ Հայաստանի ղեկավարությունը ցանկանում է խզել հարաբերությունները Ռուսաստանի հետ»,- ասել է փորձագետը։

Նրա խոսքով՝ ՀԱՊԿ-ից Հայաստանի դուրս գալու վտանգ կա։ «Բայց եթե Հայաստանը պաշտոնապես դուրս չի եկել կազմակերպությունից, ես այս բոլոր քայլերը համարում եմ շանտաժի տարր»,- կարծում է Բեզպալկոն։

Ադրբեջանը զորքեր է կուտակում Հայաստանի և Արցախի շուրջ: Հոգեբանական ճնշման ձև է սա, թե ռազմական գործողությունների վերսկսման իրական ազդակ, արդեն էական չէ:

Էականն այն է, որ Հայաստանը Փաշինյանի անհեռատես կառավարման արդյունքում հայտնվել է աշխարհաքաղաքական գզվրտոցների խաչմերուկում:

Ռուսաստանին նյարդայնացնելու գիծը բռնած այս իշխանությունն, իսկապես, կարծես սադրում է Ռուսաստանին` Ադրբեջանի հետ Հայաստանին պատժել:

Մեկ Հռոմի ստատուտի վավերացում... Հայաստանը ՄՔԴ-ի Հռոմի ստատուտը վավերացրել է 2023 թվականի սեպտեմբերի 1-ին: Սակայն պարզ չէ, թե արդյոք ուղարկված փաստաթղթում վերապահում կա կամ որևէ դրույթ կա, որն առնչվում է Ռուսաստանի նախագահի ձերբակալությանը:

Մեկ հրապարակային դժգոհություններ Ռուսաստանի քաղաքականությունից ու ՀԱՊԿ-ից: Մեկ հայ-ամերիկյան զորավարժությունների անցկացման լուր, մեկ` Ուկրաինային հումանիտար օգնության տրամադրում...

Ի՞նչ է սա, եթե ոչ Մոսկվային հունից հանելու հստակ գիծ:

Մինչդեռ Մոսկվայում դեռ հույս ունեն Հայաստան-Ադրբեջան բանակցությունները
Հայաստանի և Ադրբեջանի միջև չթուլացող լարվածության, Արցախում վատթարացող հումանիտար ճգնաժամի ֆոնին Բաքու ժամանեց ԵԱՀԿ Մինսկի խմբի ռուսաստանցի համանախագահ, հայ-ադրբեջանական հարաբերությունների կարգավորման հարցերով Ռուսաստանի արտգործնախարարի հատուկ ներկայացուցիչ Իգոր Խովաևը։

Ռուսաստանցի պաշտոնյային Բաքվում ընդունել է Ադրբեջանի նախագահ Իլհամ Ալիևը։ Ադրբեջանի նախագահականն առանց հավելյալ մանրամասների հաղորդում է միայն, որ կողմերը քննարկել են Աղդամի և Լաչինի ճանապարհների բացումը։ Աղբյուրի համաձայն՝ Ալիևը կրկին դժգոհել է, թե Ղարաբաղի հայերը մերժում են ինտեգրման օրակարգով ադրբեջանական քաղաքներում հանդիպում անցկացնելու իրենց հրավերը։ Ադրբեջանի ղեկավարի մամլո ծառայության փոխանցմամբ՝ Խովաևն իր հերթին հայտարարել է, որ Ռուսաստանը կշարունակի ջանքերը Ադրբեջանի և Հայաստանի միջև հարաբերությունների կարգավորման և տարածաշրջանում կայուն խաղաղության ապահովման ուղղությամբ։

Ռուսաստանցի բանագնացի Ադրբեջան այցի նպատակների մասին որոշ մանրամասներ է հայտնում մոսկովյան "Коммерсантъ"-ը՝ վկայակոչելով դիվանագիտական իր աղբյուրը, որին թերթը ներկայացնում է որպես ղարաբաղյան կարգավորման գործընթացում ներգրավված Ռուսաստանի պետական կառույցների պաշտոնյա։ Պարբերականը, ըստ «Ազատության», հիշեցրել է, որ ռուսաստանցի բանագնացն անցած շաբաթ էլ Երևանում էր, որտեղ նրան ընդունել են Հայաստանի արտգործնախարարի տեղակալը, Անվտանգության խորհրդի քարտուղարը,"Коммерсантъ"-ի տեղեկություններով՝ Ռուսաստանի արտգործնախարարի հատուկ ներկայացուցիչը հանդիպում է ունեցել նաև Լեռնային Ղարաբաղի արտգործնախարար Սերգեյ Ղազարյանի հետ։

«Մոսկվան փորձում է անհաշտ հակառակորդներին հաշտեցնել մաքոքային դիվանագիտության օգնությամբ»՝ նախ և առաջ կարգավորելու Ղարաբաղում ստեղծված հումանիտար սուր ճգնաժամը, «որպեսզի տարածաշրջանը սկսի սնունդ, դեղորայք և մնացած ամեն ինչը ստանալ», գրում է ռուսաստանյան լրատվամիջոցը։
Հոդվածագիրը նկատում է՝ Խովաևի առաքելության հաջողությունը երաշխավորված չէ. Ադրբեջանի և Հայաստանի հարաբերությունները վատթարանում են ամեն օր, ամեն ասված խոսքից։

«Հայաստանի և Ղարաբաղի հայերի համար Լաչինով տարածաշրջան մատակարարումները առանցքային պահ է», - "Коммерсантъ"-ի հետ զրույցում փաստում է ռուսաստանցի անանուն պաշտոնյան և ընդգծում. - «Կարևոր է, որպեսզի Ղարաբաղում պահպանվի Ադրբեջանից անջատ կյանք։ Մյուս կողմից, Բաքվին էլ պետք է «կտրել» և մատակարարումները միացնել ներադրբեջանական երթուղուն։ Դա կհեշտացնի ինտեգրումը, կզրկի Ստեփանակերտին իրեն պահելու հնարավորությունից։ Այս դեպքում ամեն ինչ կախված կլինի միայն Ադրբեջանից»։ Թերթի զրուցակցի խոսքով՝ Մոսկվան փորձում է համոզել հայկական կողմին ընդունել Լավրովի պլանը, ըստ որի «բացվում է Աղդամի երթուղին, իսկ մեկ օր անց սկսում է աշխատել նաև Լաչինը»։

Ռուսաստանցի պաշտոնյան նշել է, որ Ալիևի վարչակազմը կտրականապես մերժում է Ղարաբաղի հարցի միջազգայնացումը, քանի որ մտավախություն ունի, որ ամեն ինչ կվերադառնա անցյալի տասնամյակների դանդաղ բանակցություններին: «Փաշինյանին էլ դա է պետք, որպեսզի կարողանա ասել՝ ես այդ պատմությունը փոխանցել եմ միջազգային գործերին և ինձ ազատել պատասխանատվությունից», - ՌԴ դիվանագիտական աղբյուրի խոսքերն է մեջբերում ռուսաստանյան թերթը։

Մետաքսյա Շալունց

դիտվել է 4389 անգամ
Լրահոս
Հերթական 111 մլն դոլար պարտքը՝ պետության ու քաղաքացիների ուսերին Ռոման Բաղդասարյանի հրապարակման կապակցությամբ նախաձեռնվել է քրեական վարույթ «Բանկից «sms» են ուղարկել զոհված զինծառայողների 90 ընտանիքների, որ՝ վերցրեք ձեր գրաֆիկը, սկսեք արդեն վճարումները, սա խայտառակություն է». Արցախից բռնի տեղահանված. 3 տարի անց վարչապետին ուղեկցող մեքենայի վրաերթից մահացած Սոնա Մնացականյանի գործով ոչ ոք պատասխանատվություն չի կրել Իրանի նավահանգստում տեղի ունեցած պայթյունի զոհերի թիվը հասել է 36-ի Եթե այս դիմումը պարզաբանում չստանա՝ Ձեզ դիմելու եմ ոչ թե որպես գլխավոր դատախազ, այլ գլխավոր հանցագործ․ Սուրեն Մանուկյան Օտարերկրացի տղամարդու մարմինը ջրատարում հայտնաբերելու համար որոնողական աշխատանքները շարունակվում են Նորից կրակոցներ Երեւանում Երևանի Արարատ հյուրանոցն այրվում էր. առաջին հարկը մոխրի է վերածվել Ողբերգական դեպք՝ Օշականում. Քասախ գետից փրկարարները դուրս են բերել 4-ամյա տղայի մարմինը Փառատոնում տեղի ունեցած միջադեպի հետևանքով 9 մարդ է զոհվել Ուկրաինայում իրավիճակի վերաբերյալ Թրամփի ընկալման բազմաթիվ տարրեր համընկնում են ՌԴ-ի դիրքորոշման հետ. Պեսկով Իրանի նախագահը մեկնում է Ադրբեջան, Բաքվում քննարկվող կենտրոնական թեման այս պահին «Զանգեզուրի միջանցքն» է. Արտյոմ Տոնոյան «Միսս Ռուսաստան 2015» Սոֆյա Նիկիտչուկը մեղադրվում է 12 մլն ռուբլու չհայտարարագրած զարդերի անցկացման համար Մենք մեր հալը արդեն տեսել ենք՝ ձեր դավաճանության, անխիղճ կառավարման շնորհիվ, բայց հավատացեք, ամենածանր հալը դեռ ձեզ է սպասվում. Նաիրա Մարգարյան Ում բաժին կհասնի Տերտերասարի ոսկին.«Հետք» Թրամփի կոպիտ պատասխանը Զելենսկուն․ թող նոր հովանավորներ գտնի Համահայկական զորաշարժը այս պատկերներն են. Գեղամ Մանուկյան «Կյանքի թանկացումը»․ ինչու է հսկայական արտաքին պարտք գոյացել և որտեղ են հանգրվանել այդ պարտքի գումարները Բանակը պետք է ուժեղացնել և ճիշտ արտաքին քաղաքականություն վարել․ Իշխան Սաղաթելյան
Ամենաընթերցվածները
Շուտով
Ապրիլի 28-ին` ժամը 16:00-ին, Հայելի ակումբի հյուրն է Հայկ Նահապետյանը Ապրիլի 28-ին` ժամը 15:00-ին, Հայելի ակումբի հյուրն է Զարուհի Փոստանջյանը Ապրիլի 28-ին` ժամը 13:30-ին, Հայելի ակումբի հյուրն է Արմինե Ադիբեկյանը Ապրիլի 28-ին` ժամը 12:30-ին Հայելի ակումբի հյուրն է Էդգար Էլբակյանը Ապրիլի 28-ին` ժամը 11:00-ին, Հայելի ակումբի հյուրն է Էդգար Ղազարյանը Ապրիլի 25-ին` ժամը 15:30-ին, Հայելի ակումբի հյուրն է Սեյրան Չիլինգարյանը Ապրիլի 25-ին` ժամը 16:00-ին, Հայելի ակումբի հյուրն է Սերգեյ Շաքարյանցը Ապրիլի 25-ին` ժամը 15:00-ին, Հայելի ակումբի հյուրն է Ժասմինա Ղևոնդյանը Ապրիլի 25-ին` ժամը 12:00-ին, Հայելի ակումբի հյուրն է Էդիկ Անդրեասյանը Ապրիլի 23_ին` ժամը 12:00-ին, Հայելի ակումբի հյուրն է Հովհաննես Իշխանյանը
Հետևեք մեզ Viber-ում https://cutt.ly/5wn8sJBS
Hayeli.am