Ռեալը ցանկանում է վերադարձնել Կրոսին.

Մադրիդի «Ռեալն» ակտիվորեն աշխատում է թիմի նախկին կիսապաշտպան Տոնի Կրոսին ակումբ վերադարձնելու ուղղությամբ։ Ինչպես հաղորդում է իսպանական հեղինակավոր AS պարբերականը, «արքայական» ակումբը ցանկանում է աշխարհի չեմպիոնին աշխատանքի հրավիրել իր մարզական կառույցում։

Աղբյուրի տեղեկություններով՝ իսպանական գրանդում վստահ են, որ գերմանացու ամենօրյա ներկայությունն ու ներդրումն ակումբի աշխատանքներում կարող են էականորեն նպաստել դրա հետագա զարգացմանը՝ անկախ այն հանգամանքից, թե կոնկրետ ինչ պաշտոն նա կստանձնի։ Թեև համագործակցության հստակ մանրամասներն ու պայմանները դեռևս որոշված չեն, ընդգծվում է, որ նախկին ֆուտբոլիստի վերադարձը պնդում է անձամբ «Ռեալի» նախագահ Ֆլորենտինո Պերեսը։

Հիշեցնենք, որ Տոնի Կրոսը «սերուցքայինների» գույները պաշտպանել է 2014-ից մինչև 2024 թվականը, որից հետո ավարտել է պրոֆեսիոնալ կարիերան։ Մադրիդյան թիմի կազմում անցկացրած տասը տարիների ընթացքում լեգենդար կիսապաշտպանը չորս անգամ հռչակվել է Իսպանիայի չեմպիոն (Լա լիգայի հաղթող) և հինգ անգամ նվաճել Չեմպիոնների լիգայի գավաթը։

Աղբյուրը՝ Armsport.am: