Ո՞ր ուժին է պատրաստվում միանալ ՀՀ նախկին վարչապետ Հրանտ Բագրատյանը

2026 թվականի հունիսի 7-ի ԱԺ հերթական խորհրդարանական ընտրություններին ընդառաջ մի շարք ուժեր հանդես են գալիս հայտարարություններով և ստեղծում միավորումներ։ 

Մասնավորապես հայտնի է դարձել,  որ Գագիկ Ծառուկյանի գլխավորած «Բարգավաճ Հայաստան» կուսակցության ցուցակով ընտրություններին կմասնակցի «Մայր Հայաստան» կուսակցությունը, ՀՅԴ-ն գալիք ընտրություններին կմասնակցի ՀՀ երկրորդ նախագահ Ռոբերտ Քոչարյանի հետ՝ «Հայաստան» դաշինքով, նախկին ՄԻՊ՝ Արման Թաթոյանի «Միասնության թևերին» էլ միացել է «ՀայաՔվեն»։

hayeli.am-ը հետաքրքրվեց «Ազատություն» կուսակցության նախագահ, ՀՀ նախկին վարչապետ Հրանտ Բագրատյանից, որ այսօր «Միասին» շարժումը տարածել է հայտարարություն, որում մասնավորապես նշվում է, որ իրենք աջակցություն են հայտնում Գագիկ Ծառուկյանի «Առաջարկ Հայաստանին» ծրագրին։ Արդյոք պարոն Բագրատյանը ևս միացել է հայտարարությանը։ Վերջինս մեզ պատասխանեց, որ ինքը և «Ազատություն» կուսակցությունը դեռևս որևէ որոշում չեն ընդունել։