Մոսկվայում 18-ամյա դեռահասը դանակով հարվածել է իր հարազատներին և ինքնասպան եղել
Մոսկվայում երիտասարդը դանակով հարձակվել է իր հարազատներին։ Երկու կամ ավելի անձանց նկատմամբ սպանության փորձի հատկանիշներով քրեական գործ հարուցվել է, հայտնում է ՌԻԱ Նովոստին՝ հղում անելով Ռուսաստանի մայրաքաղաքի քննչական կոմիտեի գլխավոր քննչական վարչությանը։
«Հարուցվել է քրեական գործ՝ Ռուսաստանի Դաշնության քրեական օրենսգրքի 30-րդ հոդվածի 3-րդ մասի, 105-րդ հոդվածի 2-րդ մասի (երկու կամ ավելի անձանց սպանության փորձ) հատկանիշներով», - ասվում է հաղորդագրության մեջ։
Ավելի վաղ Մոսկվայի դատախազության Telegram ալիքը հայտնել է, որ Մոսկվայի հարավ-արևմուտքում գտնվող բնակելի շենքի պատուհանների տակ հայտնաբերվել է 18-ամյա տղայի դի և որ այդ շենքի բնակարանից հիվանդանոց են տեղափոխվել դանակահարված երեք անձինք։ Նախնական տվյալներով՝ զոհերին վերքեր է հասցրել մահացած տղամարդը։
Ինչպես ՌԻԱ Նովոստիին հայտնել են իրավապահ մարմինները, նախնական տեղեկությունների համաձայն՝ երիտասարդը դանակով հարձակվել է իր հարազատներին, ապա ինքնասպան եղել։
Այս պահին դեպքի վայրում աշխատում են քննիչներն ու դատաբժշկական փորձագետները: Հետաքննության շրջանակներում կիրականացվեն մի շարք դատաբժշկական փորձաքննություններ, այդ թվում՝ հետմահու հոգեբանական և հոգեբուժական դատաբժշկական փորձաքննություն:
Հետևեք մեզ Viber-ում
