Սիրած աղջկան լոգարանից առևանգած պարեկն ազատվել է աշխատանքից

Գեղարքունիքի մարզի գյուղերից մեկից սիրած աղջկան առևանգած 30–ամյա պարեկն ազատվել է աշխատանքից։ Դատախազությունից «Փաստինֆո»-ի հետ զրույցում հայտնեցին, որ առևանգման փաստի առթիվ նախաձեռնվել է քրեական վարույթ։

Ավելի վաղ Oragir.News-ը գրել էր, որ Գեղարքունիքի մարզի գյուղերից մեկի բնակիչ 30-ամյա Խ․Պ․-ն սեպտեմբերի 15-ի երեկոյան ընկերների և հորեղբոր հետ գնացել է հարակից գյուղում ապրող իր հավանած աղջկա տուն և փախցրել նրան անմիջապես լոգարանից։

Դատախազությունից հայտնել են, որ դեպքի վերաբերյալ քրեական վարույթ է նախաձեռնվել ՀՀ քրեական օրենսգրքի 191 հոդվածով և 192 հոդվածի 5–րդ մասով։

Նրա նկատմամբ որպես խափանման միջոց է ընտրվել վարչական հսկողությունը։