Նժդեհի եղբոր դուստրը դեռ փողոցում է.../տեսանյութ/

«16 դիմում` նախագահին և 3 դիմում առաջին տիկնոջը…պատասխան չկա: Ես խաբված ու հոգնած` դեռ փողոցում եմ»,-Հայելի.am-ի թղթակցի հետ զրույցում ասաց 78 ամյա Էմմա Սահակյանը: Նշենք, որ  Էմմա Սահակյանը Գարեգին Նժդեհի եղբոր դուստրն է և արդեն 4 տարի քնում է նախագահական նստավայրի դիմաց: Էմմա Սահակյանի ունեցվածքը` մահճակալն է, որի վրա քնում է,  և հագուստները, մինչ նա բավականին հետաքրքիր հիշողություններ ունի: Տիկին Էմման շատ գեղեցիկ կյանք է ունեցել: Իր պատմելով՝  քրոջ աղջիկը խլել  է իր բնակարանն ու ողջ ունեցվածքը: Էմմա Սահակյանի խոսքով`  քույրը առաջարկել է վաճառել տունը, տեղափոխվել  միասին ապրելու, որպեսզի խնամի քրոջը, պայմանով, որ տունը կնվիրի Էմմային: Սակայն, քրոջ մահից հետո փաստաթղթերի կեղծման  արդյունքում  նրան զրկել են ամեն ինչից: Էմմա Սահակյանը վերջերս առողջական բավականին լուրջ խնդիրներ է ունեցել և բուժում է ստացել սրտաբանական հիվանդանոցում: 76 ամյա տարեց կինը չի հասկանում, ո՞րն է իր մեղքը: Դաժան ձմեռը հաղթահարելուց հետո, դեռ հույս ունի որ կյանքի վերջին տարիները կանցկացնի սեփական տանիքի տակ: Նա ամեն օր դիմավորում և ճանապարհում է նախագահին ուղեկցող շարասյունը, սակայն այդպես էլ ուշադրության չի արժանանում: Ա.Ավագյան Մանրամասները` տեսանյութում: