Մոսկվան հրապարակ կհանի ռուս-թուրքական պայմանագիրը.քաղաքագետ

Քաղաքագետ Ալեքսանդր Մանասյանը Հայելի ակումբում հրավիրված ասուլիսում հիշեցրեց,որ ՌԴ արտգործնախարար Սերգեյ Լավրովն ասել էր, որ ռուս-թուրքական հարաբերություների հետ կապված խնդիրն այնքան բարդ է, որ նախագծումներ, կանխատեսումներ անելն ավելի է դժվարացել, որ սա իսկապես խնդիրների հանգույց է, որից շատ պետություններ գլուխ չեն հանում: «Իրադրությունը սրվել է այն բանից հետո, երբ Ռուսաստանը մտել է տարածաշրջան: Խաղաքարտերը բացվել են: Եթե ռուսները այդտեղ չհայտնվեին, կարող էր վերանալ սիրիական պետությունը, բայց հաշիվները խառնված են` Ռուսաստանը հանդես է գալիս Բաշար Ասադի օգտին: Թուրքիան ցանկանում է ցամաքային գործողություններ սկսել: Ինչքան էլ ռմբակոծեն, խնդիրը վերջնական լուծում չի ստանա` մինչև զորք չմտնի: Հենց Սիրիայի հյուսիսային սահմաններում բնակվում են թուրքեր, որոնց միջոցով Թուրքիան ցանկանում է իր ծրագրերն իրագործել: Ուզում է ազատ մուտք ապահովել Սիրիա: Սա ցամաքային պատերազմի սկիզբ է, և Ռուսաստանն ու ԱՄՆ-ը պետք է փոխեն իրենց վարքը »,- ասաց քաղաքագետը: «Եթե իրադարձությունները դրական հունով զարգանան, Մոսկվան հրապարակ կհանի ռուս-թուրքական պայմանագիրը:Ռուս-թուրքական հարաբերությունների համատեքստում հայկական կողմը պետք է ակտիվ չեզոքություն դրսևորի »,- ասաց Մանասյանը: