Երևանում 55-ամյա վարորդը Mercedes-ով բախվել է գերեզմանատան պատին. հայր ու որդի և նրանց ուղևորը տեղափոխվել են հիվանդանոց
Այսօր՝ ապրիլի 5-ին, խոշոր ավտովթար է տեղի ունեցել Երևանում։ Ժամը 00։30-ի սահմաններում Սիլիկյան թաղամասի 1-ին փողոցի բնակիչ, 55-ամյա Պավել Սարգսյանը իր վարած Mercedes մակնիշի 10 RF 100 համարանիշի ավտոմեքենայով Տիչինայի փողոցում՝ Հաղթանակ թաղամասից դեպի Սիլիկյան թաղամաս տանող ճանապարհահատվածում, դուսրս է եկել ճանապարհի երթևեկելի գոտուց և բախվել գերեզմանատան բետոնե պատնեշին։ Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդ Պ. Սարսգյանն ու նրա ուղևորներ Լևոն Արիստակեսյանն ու 35-ամյա Արտյոմ Սարգսյանը մարմնական վնասվածքներով տեղափոխվել են «Աստղիկ» բժշկական կենտրոն։ Գ. Շամշյանի տեղեկություններով՝ վարորդ Պ. Սարգսյանն ու վիրավորներից Ա. Սարգսյանը հայր ու որդի են։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
