Հատուկ ծառայությունները ստուգում են «Եվրատեսիլ»-ի հայաստանյան ներկայացուցչին

Ինչպես հաղորդում է life.ru կայքը, Ուկրաինայի ՆԳ նախարարի խորհրդական Անտոն Գերաշչենկոն հայտարարել է, որ երկրի հատուկ ծառայությունները ստուգում են «Եվրատեսիլ» մրցույթում Հայաստանը ներկայացնող Արծվիկ Հարությունյանին, որը կասկածվում է ուկրաինական օրենսդրությունը խախտելու համար: Նշվում է, որ եթե երգչուհին այցելել է Ղրիմ, ապա նրա հարցով «առանձին որոշում» կկայացվի: Գերաշչենկոյի խոսքով՝ հատուկ ծառայությունները կպարզեն, թե մրցույթի մասնակիցներից ովքեր են այցելել Ղրիմ և նրանց մասնակցությունը մրցույթին՝ կքննարկվի բոլոր կետերով: Հիշեցնենք, որ «Եվրատեսիլ-2017»-ում, որն անցկացվելու է Կիևում, Հայաստանը ներկայացնելու է ռուսաստանաբնակ Արծվիկ Հարությունյանը, ով կկատարի Fly With Me երգով: