Վարդգես Գասպարիին Նուբարաշենում կտտանքների ենթարկելու գործի վերաբերյալ նոր քննություն կանցկացվի
Քաղաքացիական ակտիվիստ Վարդգես Գասպարին տեղեկացնում է, որ Քրեական վերաքննիչ դատարանը բավարարել է իմ պաշտպանների` Տիգրան Եգորյանի, Լուսինե Հակոբյանի և Դավիթ Գյուրջյանի պահանջը և որոշել պարտավորեցնել ՀՔԾ-ին նոր քննություն իրականացնել Նուբարաշենում իրեն կտտանքների ենթարկելու կապակցությամբ: Վարդգես Գասպարին այս ամենի վերաբերյալ այսպիսի հետևություններ է կատարել. «ա – Սա պաշտպանների բծախնդիր և հետևողակն աշխատանքի արդյունքն է, սակայն ցավոք ռեսուրսների անհավասար պայքարում մասսայաբար ոտնահարվում են մարդկանց իրավունքները պատշաճ իրավական աջակցություն չունենալու պատճառով: բ – Իմ կարծեքով այս որոշումը պայմանվորված է նաև դեպքի առթիվ ձեր հանրային մեծ աջակցությամբ, տեղական և միջազգային իրավավապաշտպան կազմակերպությունների և կառույցների (մասնավորապես Amnesty international) արձագանքով: գ – Հուսամ իմ պաշտպանների հետևողականությունը և հանրային աջակցությունը այս քննության կապակցությամբ հիմք կհանդիսանա փակ համակարգերում, մասնավորապես կալանավայրերում համատարած բռնությունների բացահայտման և դրանց ինչոր չափով կանխման ուղությամբ»:
Հետևեք մեզ Viber-ում
