Շահեն Հարությունյանը նույնիսկ մենակ կպայքարի

ՀՀ կառավարությունը հազարավոր քաղաքացիներին անտեսեց, ու պատասխան չտվեց Ա. Սարգսյանին Եռաբլուրում հուղարկավորելու հարցի վերաբերյալ,Ազատության հրապարակում  «Հաց բերող» Արթուր Սարգսյանին  սատարողների հանրահավաքի ժամանակ ասաց  Շանթ Հարությունյանի որդին՝ Շահեն Հարությունյանը: Նա հայտարարեց նաև, որ ամեն օր իրենք հավաքվելու են Ազատության հրապարակում ու շարունակելու են պայքարել, ու իր համար նշանակություն չունի հավաքվածների թվաքանակը. «Եթե անգամ այստեղ մենակ մնամ, շարունակելու եմ անել այն, ինչ արել եմ այս օրերին»: Մարդիկ չցանկացան պայքարել, զենքերը վայր դրեցին, դրա համար Ա. Սարգսյանին Եռաբլուրում չեն հուղարկավորելու,ասաց նա : «Մենք չենք վախենում ոստիկանական ճնշումներից, ոստիկաններին կոչ եմ անում` հանդուրժողական լինեն, երթի մասնակիցներն էլ թող չսադրեն, ոստիկաններին չլարեն մեր դեմ»,- հայտարարեց Շ. Հարությունյանը և  առաջարկեց վաղը Համալիրից երթով գնալ Ա. Սարգսյանի հոգեհանգստին մասնակցելու: