«Եկել ենք այստեղ, որպեսզի ժողովրդին հավասար զգանք բոլոր դժվարությունները». Սեյրան Օհանյան
Արագածոտնի մարզի Աշտարակ քաղաքում բնակիչների հետ հանդիպման ժամանակ «Օհանյան-Րաֆֆի-Օսկանյան» դաշինքի վարչապետի թեկնածու, նախկին պաշտպանության նախարար Սեյրան Օհանյանը հայտնել է, որ լուծելու են 700 սպաների խնդիրը, ովքեր բնակարանի ստանալու հերթին են սպասում, լուծելու են ազատամարտիկների առջև ծառացած բնակարանային խնդիրները, թռիչքային, արագ փոփոխություններ են բերելու։ «Եկել ենք այստեղ, որպեսզի ժողովրդին հավասար զգանք բոլոր այն դժվարությունները, բոլոր այն դառնությունները, որ ժողովուրդն է տանում։ Մենք, գալով իշխանության, նոր կառավարման մշակույթ ենք բերելու, որի հիմքում դրված է լինելու ոչ միայն հեռանկարային, ռազմավարական մտածելակերպը, պլանավորումը, ոչ միայն ժողովրդի հետ շփվելու ձևերը, մեթոդները, սկզբունքները, ոչ միայն գաղափարական աշխատանքը, այլ նաև հաշվետվությունը ժողովրդի առջև»,- ասել է նա։
Հետևեք մեզ Viber-ում
