Երջանիկները թող ընտրեն ՀՀԿ-ին. Արարատ Զուրաբյան

«Ձեր  քվեն տվեք  այն քաղաքական ուժին, որի միակ  նպատակը չէ հաղթահարել 5 կամ 7 տոկոսը եւ մտնել ԱԺ:   Ինչ վերաբերում է Ծառուկյան դաշինքին, ապա ստանալով մեծամասնություն, գալիս է իշխանության եւ ինքն է ձեւավորում իշխանություն:  Բացարձակ մեծամասնության դեպքում միայնակ , հակառակ դեպքում կոալիցիա կազմելով  մեկը  մյուսի հետ ձեւավորում է մեծամասնություն»,- լրագրողների հետ հանդիպման ժամանակ ասաց «Ծառուկյան» դաշինքի ներկայացուցիչ   Արարատ Զուրաբյանը: ՀՀԿ-ի հետ «Ծառուկյան» դաշինքը կոալիցիա չի կազմի: Նրա համար տարօրինակ է այն, որ  թեեւ վերջին 19 տարիներին ՀՀԿ-ն իշխանության ղեկին եղել, բայց  յուրաքանչյուր  ընտրությամբ մենք ականատես ենք լինում նրան, որ այսօր նոր կարծես գալու են իշխանության եւ ինչ-որ բաներ պետք է անեն: Այսօր, ՄԱԿ-ի որոշմամբ, երջանկության օրն է.Արարատ Զուրաբյանը երջանիկներին  խորհուրդ տվեց ընտրել ՀՀԿ-ին, իսկ մնացածին տան իրենց: Իսկ իրենք ընտրողներին խոստանում են արդարություն, հույս եւ աշխատանք: