ԿԸՀ-ն ուժը կորցրած է ճանաչել 7 պատգամավորի թեկնածուների գրանցումը

ԿԸՀ-ն ուժը կորցրած է ճանաչել խորհրդրաանական ընտրություններին մասնակցող կուսակցություններից ու դաշինքներից առաջադրված մի շարք պատգամավորի թեկնածուների գրանցումը։ ԿԸՀ-ն ինքնաբացարկի մասին դիմում է ստացել «Օհանյան- Րաֆֆի- Օսկանյան» դաշինքից պատգամավորի թեկնածու Գագիկ Հովհաննիսյանից (80-րդ համարը դաշինքի նախընտրական ցուցակի համապետական մասում), Սոս Սարգսյանից (91-րդ համար դաշինքի նախընտրական ցուցակի համապետական մասում), նաեւ «Հայկական վերածնունդ» կուսակցությունից պատգամավորի թեկնածուներ Նարեկ Ավետիսյանից (185-րդ համար կուսակցության նախընտրական ցուցակի համապետական մասում) , Սրբուհի Հովհաննիսյանից (141-րդ համար կուսակցության նախընտրական ցուցակի համապետական մասում), Հայաստանի Կոմկուսից պատգամավորի թեկնածուներ Կարեն Մանուկյանից (104-րդ համար կուսակցության նախընտրական ցուցակի համապետական մասում), Սինոդ Պողոսյանից (157-րդ համար կուսակցության նախընտրական ցուցակի համապետական մասում), Գարեգին Մատինյանից (106-րդ համար կուսակցության նախընտրական ցուցակի համապետական մասում)։