Լարված իրավիճակ Մաշտոցի պողոտայում. Վալերի Օսիպյանը սպառնում է ուժ կիրառել

Երեւանի Ազատության հրապարակում մեկնարկել է ակցիան՝ ի հիշատակ «Հաց բերող» Արթուր Սարգսյանի:Ակտիվիստ, հավաքը վարող Շահեն Հարությունյանը հայտնեց, որ գիշերը մի խումբ երիտասարդներով մնացել են Ազատության հրապարակում: Նա նշեց, թե երեկ պահանջ էին ներկայացրել Կառավարություն, եւ իրենց խոստացել էին այսօր պատասխանել: Այնուհետև սկսվեց երթը, որի ընթացքում Մաշտոցի պողոտայի հատվածում քաշքշուկ սկսվեց երթի մասնակիցների և ոստիկանների միջև: Ոստիկանները հորդորում էին ցուցարարներին բացել ճանապարհի երթևեկելի հատվածը: «Դուք արհեստականորեն լարում եք իրավիճակը»,- հայտարարեց Երևանի փոխոստիկանապետ Վալերի Օսիպյանը՝ սպառնալով ուժ կիրառել: Այս պահին ոստիկանների և ցուցարարների միջև բախումները շարունակվում են: