«Ձեր ձայնը ձեր հոր գերեզմանի պես թանկ է». Գագիկ Ջհանգիրյան
Վարդենիսում քարոզարշավի ժամանակ Կոնգրես-ՀԺԿ դաշինքի թեկնածու Գագիկ Ջհանգիրյանը անդրադարձավ ընտրակաշառքին՝ նշելով, որ պետք է հազար անգամ չափել, ձևել, հետո մի անգամ քվեարկել և չվաճառեն իրենց ձայները:«Սիրելի՛ վարդենիսցիներ, ապրիլի 2-ին ընտրություններ են: Դուք պետք է ընտրեք էն անձանց, էն քաղաքական ուժերին, ում գոնե 5 տարի հավատացել եք, լսել եք, տեսել եք: Եթե պիտի ընտրեք չխոսող պատգամավորներին, ելույթ չունեցող, մենակ կոճակ սեղմողներին, էդ մարդիկ գնալու են ի՞նչ անեն ձեր համար: Ժողովուրդն ասում է` կուշտը սովածին մանր ա բրդում, չէ՞, որովհետև կուշտը սովածի ղադրը չի իմանում»: Ջհանգիրյանը նշեց, որ ընտրողի ձայնն անգին է. «Ձեր հոր գերեզմանը կարա՞ք վաճառեք, ձեր պապու գերեզմանը կարա՞ք վաճառեք: Է, ձեր ձայնն էլ էդքան թանկ ա, չպիտի վաճառեք: Եթե վաճառեք, առաջիկա 5 տարում ոչ ոք ձեր առաջ հաշվետու չի լինելու, մեկ էլ 5 տարի հետո են հիշելու ձեզ»:
Հետևեք մեզ Viber-ում
